[معجب العتيبي]

فارس القوم

يامرحبا ترحيبتن عنوانها لحظه ركود = قاف العتيبي من توحاله بيبطي ماسرا
هيباتنا مثل الزلازل والصواعق والرعود = نقدر نهز طويق في لحظات ونزحزح كرا

بادي المراقيب

دام البقا حلو النبا يكفي ترى عن كل جود= لكن هون سرعتك قدام ميقاف الزرا
صحيت خلق الله وهم قبلك ترى والله رقود= ياكبر ها كبرتها والله ربي أكبرا

فارس القوم

الليله المعنى مثل صرف الذهب والا النقود = الكل منها غالي ومنهي معه باع وشرا
ياهل الكاعه واللعانه يامبيحت السدود = اهم حاجه لاجرحنا الجرح يبطي مابرا

بادي المراقيب

حلو الثمر ما ينبدي حلو ثمره في كل عود = وطلح عيدانه كثر يشين شوكه والغرا
طش البعير الساحلي حمله بعد مس لبدود = ما عاد لا يمشي ترى قدمه ولا يرجع ورا

فارس القوم

والقات ينبت ثم يثمر فاليمن عند الزيود = احدا درا واحدا يجيه العلم كنه مادرا
انته جملك اللي تسوقه لا رموح ولا هبود =من يوم غليت قيمة البرسيم شفناه انهرا

بادي المراقيب

يا فارس القوم الذي يقدح كما قدح الزنود = بلك تعاقب ما عرفت اللي يمينك ويسرا
اعطى السهل ياصاحبي حذرا تلقيها سنود= والعقربه لا تبحث الها يا رضي تحت الثرا

التوقيع