[سفير الزعماء]

ياقلم بألحان سجل وصف ضاوي *** لاتزيد ولاتنقص في كلامـــــــــــــه

شاف شي(ن) هيض القلب الشقاوي *** نعنبو من يلحق العاشق ملامه

عاشق اللي ماتقربه المناوي *** حلم صقار(ن) كبيرات حلامــــــــــــــه

نادر(ن) نوعه لكل الزين حاوي *** مايوصف به غير برجال الزعامه

مثل اخو نوره اليا جت العزاوي *** الامام اللي ينومس في مقامــــه

حر(ن) اشقر ريش للعلايا شفاوي *** يوم شالوا برقعه شفت القرامه

شفت فعله ماروالي كل راوي *** مشهد(ن)يكرم عن افلام الندامـــه

شدني لمشاهده وانا هواوي *** قمت اتابع معركة عنف وصرامــــه

معركه بين الحبارى والنداوي *** هو يبا الصيده وهي تبا السلامــه

يوم جاها من علو الجو هاوي *** كوبرت له ثم لمسها حسامـــــه

ناشها رمح مثل رمح العطاوي *** او سهم مزيد اليا طش العمامه

وارتفع ثم جالها بالشر ناوي *** وهي تدرق من ثمامه في ثمامه

صايده وقت القى ماهوب ياوي *** صاعها به ثم جعل فيها علامه

ضيعت من ضربته كل الهقاوي *** وسلمت له طايعه وادرك مرامه

كافحت لاكن جاها امر(ن) سماوي *** مضرم(ن) في قلبها نشب سهامه

وحايلوه اهل المدايح والسناوي *** ولاخذوها لين حطو له حمامه


مع تحيات ياسر الغاصبي