نترككم مع احد ابداعات الشاعر الكبير كديميس العصيمي..
انا ماغبني كود بوش وعصابة بوش=عقب مااعلنو توجيه حرب ٍصليبيه
تحامو على الاسلام لباسة الطربوش =والارهاب حجتهم والاهداف سريه
بدوها بتوجيه القذايف وحشد جيوش =وصواريخ فتاكه وغارات جويه
ليا صابو المسجد بصاروخ قالو خوش= ذبحنا من الركاعه تسعين بالميه
وعربنا تبرع بالملابس وجمع قروش= وتعد المخيم للضعوف الجلاويه
تبرع لهم بالمال والهوش مامن هوش= هذا كل ماتقدر عليه العروبيه
ونظرنا ليا القاده ليا وضعهم مغشوش= وعلا قاتهم من بينهم مشبهانيه
ولهم مؤتمر في كل عام يجون طروش= لحضور اجتماع القمه الاتحاديه
نشوف المعانق والبساط الحمر مفروش =لكن النوايا عند الاقطاب عكسيه
مظاهرو كلن مخفي الحاسب المخشوش= مثل من يصلي له صلاة ٍبلا نيه
مثل محزم ٍوسطه رصاص ٍماغيرقفوش= ولا فيه للحراب لو طلقة ٍحيه