نشرت منتديات الحروب في الاونه الاخير عدة قصائد لسفهائها ركيكه وضعيفة المستوى والمحتوى هزلة الاسلوب تهجميه التوجه .بغرض النيل و الاساءه لقبيلة عتيبه..
متذرعين بلقاء الشاعر الكبير كديميس العصيمي على قناة الساحه
ومن باب الدفاع المشروع عن النفس وعن القبيله
هذا مرد القوه العظمى كديميس على ترهات حرب للي نشرت ..ولاحظوا انها احدى القصائد..ومردود..
على تهجم المهسهس هايس بن سريحان المزيني الحربي
وكما قال الشاعر العلم الكديميس العصيمي
سر ياقلم واكتب كلام المحامين =لصارت الدعوه حمايا حمانا
ودام الشريعه تقضي العين بالعين = حنا بما تقضيه الشريعه قضانا
واليكم احدى النقائض..ونترككم مع العمق والجزاله. وسيتم انزال بقية المراديد على القصائد المنشوره في منتديات الحروب ..قريباً
ان لم تنته حرب
وهذا رابط قصيدة حرب
يمنع وضع روابط الإداره ..............................................
وصوره مصغره ,,
إضغط على الصوره لمشاهدتها بحجمها الطبيعي ..
يمنع وضع روابط أو صور الإداره ..............................................
وهذا مرد شاعرنا كديميس العصيمي
جتنا مراسيل التحدي يبالفيت = مملية من سرد قيلٍ وقايل
من للي على سرد القوافي مفاليت = زان الزمان لنازلين المسايل
وكثر الكلام للي على غير تثبيت = يضيع لفحصت جميع الحصايل
شف مشر الميزان ياللي تعنيت = ويبين لك فرق العرب في المكايل
ونشولت كفة سهمكم وخفيت = اطمر بها واقعص ظهرك وتمايل
لكن منت بمحيي جثة الميت = هيهات يامجدد عتيق السمايل
لو انت مع كل الطواريق بابيت = مايلغي الماضي جديد المثايل
هايس همس بإذنه كبير الشماميت = ثم جاك خيال الحروب متكايل
يقول انا غيص البحور النواحيت = ومن هد قبتنا عليه نتهايل
ونقض الحجج ماهوب كد التواليت = يحتاج مفراصٍ يعرف الدغايل
لاتحسبنك يالمهسهس تقاضيت = لازال في صدرك جروح وملايل
ولاتحسب الدعوى على ماتمنيت = لو سرت ولا طرت مانته بنايل
شايعة من مركز صنمهم بتكريت = وسرا بك الجاثوم وانت متفايل
وتنام وانت تحت راسك دناميت = وللي على الاسلاك يابس بلايل
ومولمن للنار سبعة كباريت = ولاهيب تخفاه الحيل والتحايل
انت بكلامك يالمزيني تماديت = واخطيت في تزوير عدة مسايل
غوجك تجاوز بك حدود المواقيت = ولابد ماترجع على غير طايل
مادام جالك في القنوات اصاويت = تبي تواجه لك سوالٍ وسايل
وان كان خليت القنوات خليت = وان قلت قول جاك غيره بدايل
مدحت ناس في لحونك وذميت = ذميت قومن يدركون النفايل
وليا فتحنا مغلقات التوابيت = طلع لنا كشف الجدود الاوايل
يومن في الديره جنون وعفاريت = ويوم القبايل والقبايل تشايل
وانتم تخطفكم سيوف العناتيت = ميزانكم كل جار يتمايل
لامبرمن قاله ولا شاعمن ليت = ولا جاعفٍ حملٍ ولا انتبه بشايل
انا ليا منك بقومٍ تجريت = حضرت معهم والمكاسب قلايل
منبوذ مالك في الوثايق تثابيت = الا بذيل اخبار بعض القبايل
بين الجحادر والمطيري تربيت = ترعى بظل مسفحين الدبايل
في ظل نمراهم ربضت وتذريت = تحت راية رفيع الخصايل
ابن رشيد اللي ليا شفته اقعيت = عليك دولٍ من هل الفضل دايل
تقول خذ ماشيت ونرضى بماشيت = وكف الولاء مرفوع والشك زايل
واليوم في غيبت علمهم تنشميت = لكن لك في دفتر الضبط فايل
موقعٍ بختوم عشرة نحاتيت = والفرم ختمه كبر راس ابن صايل
ومع درب بن براك طحت وتدليت = واتعبت مع دربه سمان الدلايل
قطع بك الفرجه بعد نضت وازريت = والحقت حبلك من حباله وصايل
تشرب على ذرعان غير ليا اضميت = لانك مقامك عن رشاك متدايل
مالك مفر من الشبك لو تلويت = يشهد عليك الشمري وابن وايل
وشاعر حجاب للي يغني بحليت =يطرق تماثيله بعذب الثمايل
دارٍ بها غنى المزيني وغنيت = واحد ثبت واحدٍ عن الدار زايل
قفى عن الديره طويل المشاخيت = يومن عج الخيل مثل المخايل
حدوه عنها اهل السيوف المصاليت = ربعن يروون الغلب والسلايل
من كف بن هندي وعفاس وبخيت = للي يخلون اشقر الدم سايل
وابالعلا عالي وانا بهت عليت = الشيخ ستر معكرشات الجدايل
شيخن بصعبات الملازيم عنتيت = يحل بالحيلات حول المحايل
وندبرن مثل الادام المشاويت = يثني جواده قدم قدح الفتايل
في ساعة فيها النشاما مصاميت = يفرح بها المضهود يوم الهوايل
وراك فريت السفينه وضليت = وحطيت من فوقك مظلة ضلايل
مدري نسيت العلم ولا تناسيت = ولا تعمدت ارتكاب الوحايل
راع الركاب للي عليهن ورد هيت = هجر جملنا واذبحته الغلايل
وش عاد لو غنيت بيتٍ باثر بيت = وسميت تلميع المداخل دلايل
اللين مايصلح عليه الجرانيت = غلطك في شرح الاحداث هايل
ياصاحب المنطق وراك استخفيت = باللي يفك الجاذيه في الحفايل
مدحت في الاول وبعدين كعيت = وتناقض الاقوال عيب المثايل
ويوم الرشاويه كفخت وتلاشيت = ورفعت عن ساق الشرود الشلايل
خفت ركبكم ياكثير الثراويت = الحكي ياسر مير وين الفعايل
ويوم الهييشه عقب الاقبال فريت = يوم الامور المعضلات الجلايل
انته رجعت معيف وانا توليت = على الفياض اللي سوات الحوايل
وحويت في تالي دبشكم ورديت = وجبنا مظاهيرٍ عليها العوايل
لو شفت هودج زوجة الشيخ ونيت = وليتك حضرت مع الهنوف النزايل
جبنا جمل زلع النزيع ولا جيت = صارت عليكم يالمزيني سحايل
قامت تلد لدربكم وانته ابطيت = مانقذتها من كف راعي الجزايل
حرابة الاتراك مافكو البيت = يوم اربعين البنت راحن حلايل
من هيبة الباشا غديتو حوانيت = صرتوا لرغباته سوات الزمايل
مدام من دم الذبايح تحنيت = وشلون تطلع في طويل البتايل
طلاكم التاريخ نوره وكبريت = وانت اعترفت بكل ماكان قايل
وفي مابعد جيتوا على دار حييت = بارض القصيم تسرحون الجوايل
تعدها في الحوض ليا منك امسيت = وياجب عليكم عدها في المقايل
واما انت خلك للنزه والمكاشيت = ومانته مسؤولٍ ولا انته بسايل
والبس على ثوب المكاشيت جاكيت = لاينكشف للناس مابالفنايل
وانا ليا مني على الخصم سميت=اما ثـوى ولا نهـض بالثقايـل
وليا تنقى لي خصيمـي تنقيت = وليا حثل ماني براعـي حثايـل
صادقة في نظم القوافي وعاديت = وجاوبت من راس القلم كل سايل