العازمي
بدينا وابتدينا مار يالنشمي عليك الله = تجمّل ربعك الثبتان لو برماشة العيني
انا خابرك شاعر والنهر تشرب برايد ماه = عليك الشاعر المشهور من مده موصّيني
النشمي
انا شفت الهنوف وطحت طيحت شيخ عن مركاه=وبغيت اصيح باعلا الصوت لين الزين يوحيني
وانا مدري عن المشهور يوم انه عطاك اوصاه= يباك اتشيلني يالعازمي والا تخليني
العازمي
لياطاح الثبيتي جالها عاصي معه شلفاه = ولن طاعت قبلنا وان عصت شلفاي في يديني
يقولون العرب من جاب علم اكيد قد وداه = بعد غثربت فالمشروب مابينك ومابيني
النشمي
انا حكمي مثل حكم الخميني وانت شاه ان شاه=وترى عندي شهاب مسلطه فوق الشياطيني
تري من لا حمى قيفه بسيفه يفرحون اعداه= مافيه امجامله حتى يقرن الموازيني
العازمي
ولوّن الخميني يالثبيتي يطلبك لاماه = جحدت اللي تقوله لو تسددت غلطتك ديني
تعرّض قدم عبرود الملح ياعلي بالله لاه = ونفسك غاليه والشك مايدخل هل الديني
النشمي
اقول الشعر فتل ونقض والمضمون في معناه=ابا شاعرواله خبره وفالمعنى يجاريني
ياعيد الشاعر اللي مايجارينا نبا فرقاه=حرام يشتت افكاري ويتعبني ويذيني
العازمي
بعد طاحت شياطينك وذيب الضلع لج عواه = تعرف اهرام مصر وتعرف ان السور فالصيني
جملكم ياثبيت اشتال حمله وان تعب وطاه = تحسبونه وسيع ابطان مار الظاهر ادويني