كبتن عتيبه
أنا مُعْجَب ..بمعجِب..واتعجب ..وأظهر الإعجاب=على شأنه عطاوي ..والعطاويه بني عمّه!!
لو أن الرجل مايظهره غير الماقف الغصاب=وحنّا مانعرف الرجل من شكله ومن دمّه!!
معجب العتيبي
والا يالكبتن اللي جيت بالموضوع والانساب=بني عمك بني عمي وشملي شملكم لمه
عسى الله يبعد المسلم يابن عمي عن الاسباب=بوقتٍ تظهر الرجال كلمه جات من فمّه
كبتن عتيبه
تباها عِرف.. ولا هوش بالسكين والمشعاب=أنا ما أمنك وأنت أنسان ماتبرا بك الذمّه!!
ليا منَّك بغيت الجود ..للضيفان فُكْ الباب=ولا منَّك نويت البخل.. بابك مالتفت يمّه!!
معجب العتيبي
الاولى طيبه ياصاحبي والباقيات ارهاب=وتلقى العلم عند صحيبك اللي يلبس العمه
ليامن صار ضيفي لانصيته يكثر الترحاب=ابا اااقف معه وقت الخوف لامن خاف واظمه
كبتن عتيبه
خوالك فالحجاز أهل وفاء ..وأصحاب للشيَّاب=وعمَّانك بنجد..ونجد والله ماقدر أذمّه!!
لكن اليا بغيت الصدق ولد الدآب.. مثل الدآب=وانا باقطع لسان الداب.. وانثر فالبحر سمّه!!
معجب العتيبي
خوالي مثل عمّاني مثال الحق للأقراب =لاقام اصغرولد منهم على الميقاف ما همّه
ياماشاءالله ياماشاء الله على العاقل من الأصحاب=لوأنّه عقب ماخطأ الدرب يرجع غصب ويخمّه
كبتن عتيبه
أنا ماقول فيك قصور وأنته علّم الغياب=ليا ماجاء الولد سواة ابوه ..يصير مثل أمّه!!
وأنا ماشوف غير النار والدخان فالمشهاب=وجن الأرض في رأسك يابو سلطان ملتمّه!!
معجب العتيبي
ابيكم ياوسيع العرف قدامي كما الطلاب=ولجلي تبذلون الجهد ياكبتتن مع الهمه
ياطيب اللي يشوف القوم لاعدّا على المرقاب=وياخذ حيطته لاشاف الاعدا جات ملتمه