[عبدالله بن طلال]

إخواني واحبائي ... قمت البارحة بعدة محاولات للتسجيل بالصرح
الغالي ( المرقاب ) وتعثرت محاولاتي للحصول على العضويه .
فترجلت هذه الابيات التي لا اعتبرها شكوى ولا تذمر بقدر ما اعتبرها
اشاده بالاقبال الكبير على مرقابنا الغالي .. وتعمدت توجيهها
للاستاذ/ معجب العتيبي لرغبتي في التعرف على شخصه الموقر بطريقه مباشره .
اما الشاعر/ حبيب العازمي فيبقى رمز غالي من رموز القبيله ...
واليكم الابيات:

يامعجــب يالقــــرم الطيب = حيــث إنك من روس إعتــابه
انخــــــاك ومثلك مايخيب = ظن النـــاس ان طقـــوا بــابه
مظلــوم ولي حــق إمغيب = تتجيبه كـــان الله جـــــــابه
اشكي لك والخصم إقريب = وحـقي جــاني فيــه اطلابه
خصمــي ياقاضينا احبيب = ذيب (ن) في عالــي مرقـابه
وتسجيل (ن) معاااه تسيب = العضـــــويه فيــــه انهـــابه
جـــلال الهـــيلا وش شيّب = راسه وارمـــــوشه واشنـابه
الا لاشـــــاف بن اغـــريب = لاجـــــاء يلقــى من حيـــابه
والحاضـر جــــلال إيغيب = كنـــــه ماهــــــو من شبابه
وعادي طيـب يشكي طيب = والحكـــم الطيــــب يرضـابه