العازمي
مرحبا بالشاعر اللي لو طمعنا فيه مره = مايجي دون النظر لو مد يمناه البخيله
يالسعيدي لو زهمك العازمي ماباح سره = يمكن انك من بعدها كل ضلعٍ ترتكيله
فواز السعيدي
البقا يالربعه اللي من شهار اليا مسره = فوق راس العازمي يوميلهم ربي وكيله
شف باللي للعميل اللي ذهن علمي وصره = مثل هذا العازمي قيدوم فالطرقة دليله
العازمي
ربعي اللي من ركايز نجد لين أوساق حره = كل ماحلّو بديره سيطرو نعم القبيله
السعيدي في حجازه خالطن سمنه وبره = ماسرى مسرا الذياب الشهب صبحه مثل ليله
فواز السعيدي
انت مثل الداب يامطول لسانه في مقره = وان قرب للناس عاين فالذلول وشد حيله
الله اكبر كن راسك من ورى نجم المجره = وانت مرسي في عفيف اللي حصيلك من حصيله
العازمي
الحنش يمكن يضرّك وانت طبعاً ماتضره = والذلول اللي تقرّب منه مافيها عقيله
لو قعدنا فالحجاز آظن مال هذيل جره =يمدي الطيّب من هذيل الجبل يومي شليله
فواز السعيدي
دبرة الله فيك جاك الثوب وشبك ماتزره = صدق ما يقنع كليب الا هناديب الجليلة
كيف تقعد فالحجاز وكحلنا فوقك نذره ..؟ = انشد جدودك عن البوباه وابرك فالخميلة
العازمي
الرفيق اللي سواتك من عطايانا نبره = بارك الله فالزناد اللي على خشم الفتيله
كوكب الارض البسيطه لو قمناله نفره = لو حداك الضلع عنّا طارحينك في مسيله
فواز السيعيدي
شفت ربي كيف شاتك فالحضير اللي تجره ..؟ = لا تحثري بالعلوم اللي تواليها ثقيلة
ماتفر الا زهاب ام اصبع اللي مانغره = خل الارض الله يبارك فيك مافالارض حيله
العازمي
دام يمنى الخير طالت قاصره يمنى المضره = والعيا نصرف علاجه من لواهيب المليله
اشقر البارود والسيف الحدب لله دره = حط منزال العتيبي فالسما مثل المخيله
فواز السعيدي
القدر فيه الشبب دام الاثافي مستقره = والشبب للعازمي مضمون في ليله طويله
انت جيب السالفة واخذ الخبر واصحى تشره = مالك الا حبلك الممدود يا راع الجميله