محمد العتيبي
الله الله والدماسي معه نجمه في متونه = الله الله وان حضر باحط له نجمه وتاجي .
الله الله والشعر ياهل الشعر مااحلى فنونه = الله الله عزي لمن ضاع صيده فالعجاجي .
سعود الدماسي
الله الله والعصيمي ياعرب لاتسمعونه=الله الله من ورى المطلاع سواله حراجي
الله الله والشعر ماكل ناسن يطرقونه=الله الله والمدافع عانها وسط المحاجي
محمد العتيبي
الله الله والدماسي كل مانسمع لحونه = الله الله له لحونن ينبسط فيها مزاجي .
الله الله والشعر له ناس طبعا ينقدونه = الله الله من وقع بيديه مايلقى خراجي .
سعود الدماسي
الله الله والعصيمي كل ماصاحت جنونه=الله الله صيحته صيحة عقاب ابن العواجي
الله الله يامحمد كيف حالك والمعونه= الله الله عقب راس العود حطك فالملاجي
محمد العتيبي
الله الله لو تقول الوقت وراني غبونه = الله الله غلطتن ياسعود مافيها علاجي
الله الله كل مركب عن مسيره تحرفونه = الله الله لا تولج كل بابورٍ ولاجي .
سعود الدماسي
الله الله كل تاجر فالسلع يلقى زبونه=الله الله لاتخلط مع الزلال الما الهماجي
الله الله وانطرحت اللغز لازم ترمعونه=الله الله راح بيت فيه نار وبه سراجي
محمد العتيبي
الله الله والصحيح المر لازم تعرفونه = الله الله والحقيقه درب مافيه اعوجاجي
الله الله قد سبقها بيت من نفس النمونه = الله الله مايحذف الناس من بيته زجاجي .