[ابن بريم المقاطي]

المشاركة الأصلية كتبت بواسطة ابن صنهوت

بسم الله الرحمن الرحبم

نحمد الله على نعمه التي لاتعد ولا تحصى ونساله ان ينزل البركه في هذه الا مطار .....
حقيقة ماقصروا بعض اعضا المنتدى في نقل اخبار الامطار ودعمها بالصور التي تجذب المتصفح ..
لو تلك الصور تمزق القلب المتلهف لشوف الامطار وقد هاضت القريحه بابيات اتمنى ان تحوز على رضاكم

يابن بريم القلب كنه على نار =
وانته شلعته بالصور يالمقاطي =
وانا رصيد اجازتي تحت الاصفار =
في ديرتن فيها قليل انبساطي =
الشفت يبرمنا كما يبرم السار =
الراس من فعله يجيه اختباطي =
ولابه تفاهم والتعامل بالانذار =
خلك على التايم حريص انضباطي =
شعارنا نو ليت نو نيد الاعذار =
وكل شي يحسب فوقنا بالنقاطي =
فــ ادفانسد واوضاعها الفكر محتار =
شق يخاط وشق صعب يخاطي =
وجدي على شوف الخباري والامطار =
وجد السجين الي برجله ارباطي =
وجدي على سج القدم مع هل الكار =
خوة حلاحيل لها القلب شاطي =
يسلا بها قلبن عليه الدهر جار =
جرح الليالي فيه يالقرم ساطي =
لكن دتيا يالمقاطي لها ادوار =
تضحك لناس وناس جاها حباطي =

وسلامتكم

حياك الله يا ابن صنهوت واشكرك على القصيده وعلى الاطراء
واشكرك على هذه الابيات ويا ليتني كنت شاعر وارد عليك ولكن للاسف
مع ان شهادتك مجروحة يوم انك خوي ورفيق ..