[سعود العصيمي]

علي فلاح العضياني=

هلا يا مرحبا بك يا جملنا شامخ النيبـان=لو ان الهرش ما عاد اله لا حولٍ و لا قوّه
توكلنا على الله قدمك الميدان يا حميـدان=و اذا في خاطرك شيٍ تبا تسوّيه قم سوّه

سعود العصيمي =

يدوم الك البقاء ياشعيل ياللي تضرس اللحيان=وهرشك ياوسيع العرف في عز الصبا تـوهّ.
توكلنا على الله وانطح الفرسـان فالميـدان=وكلآ معه زند ومن زنـاده شاعـمٍ ضـوّه.

علي فلاح العضياني=

أنا أفرح يوم في موقع عتيبه عندنـا شيبـان=و ابو طايل مع انّه عود شايب ... صافيٍ جوّه
وراك عن المهمّات الصعـاب تقفّـل البيبـان=و لا لك مع مشاهير البلـد رفقـه و لا خـوّه

سعود العصيمي =

يقولون العرب اعيال عام يحسّبون اسنان=وانا بيني وبينك عام وابناء عم وعنـوّه
لياجات المهمات الصعيبه نرجح الميـزان=ورجالٍ يصك الباب عنهـا مابـه مـروّه

علي فلاح العضياني=

تبا تجحـد لكـن الشيـب فـي راسـك و دقنـك بـان=يبيـن اسفـل شعـر دقنـك لـو انّـك تصبـغ علـوّه
لو انّك قدّها ... مستور ... عدّ اسمـك مثـل حمـدان=يدور الوقت و سعود العصيمي ما اختلف .. ( هوّه ) ...

سعود العصيمي =

انا بنشدك هل تخبر ثنين اسنان والا اخـوان=لهم ميلاد واحد شاب واحد وأحـد باصبـوّه؟
وحتى انته لو انك قدها 000 قد شاعر العتبان=ذكرك وبان فعلك مـع هل الخيـل وهـل القـوة.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.