علي فلاح العضياني
بندر و معجب مع العالم على طـــول =متواجدين 24 ساعه
الواحد يقول أنا شاعر ... و ... مسئول= و المستوى زايد بعكس إرتفاعه
بندر المرشدي
وأنت الذي دونك الارسال مفصول =ماعاد اشوفك ترزّز فالإذاعة
حنا نخث الخطر ونصول ونجول=وانته معك داخلاً فالقلب راعة
علي فلاح العضياني
يا بندر انا مع الايام مشغول= ماني بفاضي مثل بعض الجماعه
ترى كلامك هذا ما هو بمعقول=غلطتك فالمخّ و لاّ فالطباعه
بندر المرشدي
تومي بسبحتك هاذا داير الحول=ما انته بفاضي ولا جبت الطماعة
ماجبت اللي هرجة من غير مفعول=العلم من صالحك تقصر نزاعه
علي فلاح العضياني
و انته تراسل على جهاز محمول=وقتك تراك السبايب في ضياعه
الحجّه اللي بدون شهود" عدول=ما تشفع إلكم و لا فيها شفاعه
بندر المرشدي
ياعلي هرجٍ تقوله ماله وصول=عن زادكم بندر يشطر ذراعه
وسط الميادين كم طايح ومقتول=الخصم قدامكم نغسل شراعه