[ابن بريم المقاطي]

لاح نوض النصر من حيد المخيله=يشتعـل بالعـز هاتفـة ثعـولـه
وهل وبله واقشع الضلعان سيلـه=ودك ضلعانٍ رواسـي شـد هولـه
يلتطم وادي الرشا با اقصى حصيله=وما اعترض في منحره عجلٍ يزوله
عشت يا وادي الرشا حيلٍ وحيلـه=بان لك عبر الزمن صوله وجولـه
وفزت بالنوماس ما جيت بفشيلـه=ما خسر سعدون والعتبـان حولـه
ينتخـي وعتيبـه الهيـلا تشيلـه=وقفة في ساعة الضيقـة عجولـه
وفوز بـن حمـاد فـوزٍ للقبيلـه=باركو لـه يـا عتيبـه باركولـه
نادرٍ مجنـاه مـن راس الطويلـه=خايض بحر الوفا عرضه وطولـه
وكل حملٍ بالشدايـد يرتكـي لـه=يوم غيره عاجـزٍ ينقـل حمولـه
لن نصيته باللـوازم شـد حيلـه=بـاذلٍ جاهـه ومالـه بالرجولـه
اشهد أنه مـا يعـرف المستحيلـه=قلتهـا والحـر مـا يهتـز قولـه
في القضى يرجح بالميـزان كيلـه=حاكمٍ بالفوز لـه دستـور دولـه

قصيدة مهداه للنائب الأخ العزيز / سعدون حماد العتيبي
بمناسبة حصوله علي الحكم النهائي الصادر من المحكمه الدستورية بعد الحكم له
بفوزه بعضوية مجلس الامه سنة 2008م
ولقد لقبناه باسم وادي الرشا بدلا من الحوت
نضرا لما يحمل اسم وادي الرشا من بعدتاريخي لقبيلة عتيبه الهيلا
للشاعر عيد بن شريم بن صقر العتيبي
في حفل عشاء رشيد العتيبي ابو بعيجان في صالة الافراح العارضية يوم امس
وقد حضر وجهاء القبيلة وابناء عمومته عتيبه الهيلا وضيوف من القبائل الثانيه
والكثير من المحبين للنائب سعدون حماد العتيبي فألف مبروك للسعدون حماد العتيبي

النائب سعدون حمادالعتيبي

رشيد العتيبي ( ابو بعيجان ) والنائب سعدون حماد العتيبي



رشيد العتيبي ( ابو بعيجان ) والنائب سعدون حماد العتيبي والمحامي محمد مروي المطيري

آخر تعديل ابن بريم المقاطي يوم 02-Nov-2008 في 09:17 PM.