الادهم ابن وايل النجدي
الله يعطيك العافيه على هالقصه وقصايدها الرائعه وليسى غريبه على المطارفه الشجاعه وفعل المرجله
وانا والله كان جاري من احفاد عقيل النفيشي الشمري وكان دايماً يردد هذه القصه الطيبه
شياهي مزبنهن عن اللي يريدهن = على الرجال أهل الفعول المطارفه
يافون بالشدات ويدلهون بالرخـا = يوم ان بعض الناس ينكر معارفه
يا ويل من هو بالملاقـا يضدهـم = ينهج كما واد غثا السيل جارفـه
ما اقول قول يقال شوفي بعينـي = في ساعه به دمعة العين ذارفـه
حاموا هل العشوا على حق جارهم = في موقف فيه المنايـا امشارفـه
لا وردوا عـد يبشـرون بالـروا = يروون ولو انه تصافق مغارفـه
من لابة لاقيل يضرب بها المثـل = واهني من هو بالصداقه ايحالفـه
كل قوم ولا عناّز يا جاهـل بهـم = أهل ناقة بالكون تخـلا مواقفـه
سكان دار الخوف مرهبـة العـدا = بكل ديرة لجيتها شفـت طارفـه
وفريسهم يوم اللقا يندعـى بهـم = من لانعرفه عرف نسمع سوالفـه
وقال الشاعر محمد الهايس المطرفي العنزي بهذه الوقعة
يوم العرب غاير ونايـر بـلا شـوار = وكل علـى فعلـه ايسـوي تماثيـل
ربعي هل العشـوا بعيديـن الاذكـار = اللي يشيلون الضواين علـى الخيـل
قصيرهم مايجدعونـه علـى الـدار = في راس عيطـا نايفـات الشهاليـل
يوم ------------ يدب القـوم واغـار = جتهم سرايا الخيـل مثـل الهماليـل
سامو اشياهه سومة الصـدق ببكـار = وعيا يبيع وصاح ينخـا المشاكيـل
وردو هل العشوا بسبب صيحت الجار = نقـوت ارجـال كلبوهـم مشاكيـل
عند النفيشـي هيـة تشتعـل نـار = في سا عتا وقت الضحى تقل بالليـل
صاحوا عليهم صيحتا تجلا الامـرار = يشبع بها ذيـب الخـلا بالرجاجيـل
كم خيـرا برماحهـم تقـل مصهـار = صاحن عليهـم لابسـات الخلاخيـل
مركاضهم ذلا مـن العيـب والعـار = يبونهـا تحكـى لجيـل ورا جـيـل
يـم الجريعـا جدعوهـن بالاذكـار = بحسابهن كـل المضاريـع والحيـل
يرعن هية بالروض من عقب الاخطار = من ضرب ربعي كاسبيـن التنافيـل
خيالت العشوا علـى الكـود صبـار = مايقبلـون الجارهـم يلحقـه ميـل
وشهودهم شمر علـى كـل ماصـار = وهرجـا بلافعلـن يسمـى تهاويـل
قصيدة: عقيل النفيشي يوم يلوم ابنه في سبب غزوه على المطارفه
نسيت يامناع ياجاحـد الثنـاء = يوم يسام الضان في جل نيبهـا
ونسيت يامنـاع كـون علينـا = من طلعت البيضا لحزت مغيبها
ولاقلت شيء غير كلـه تخبـر = هطير الجريعا بشر الصبح ذيبهـا
ولاقلت شيء غير عينك تشوف = هوكم خفرة خلوه تنعى حبيبهـا
وسعود يامناع ذعـار السبايـاله = صيحة باللازمة يندعي بهـا
تبي نياق سعود من كبرقلوبكم = سربة يهفيه ما احد دريبها
فوق البريصا كنه البرق خاطف = هملول صيف فوق متنه سبيبهـا
شلك صبي الجود من فوق عندل = سعود ذعار الخيل وابوه ذيبهـا
كم ابلج عشاه سحم الضـواري = والضبعة العرجا تعلم صحيبهـا
ابداوتك منهـم اصيـل تشبـاء = سعود يحرمهـا وليـه تجيبهـا
والله يالولا طيبهـم مانشوفـكم = اشفت ربعك وين تالي ذهيبها
زبنت انا منجـورة اولاد وائـ ل = قبيلة ياعز مـن يلتجـي بهـا
وان احمد الله شاف فعل ذكرتـه = وهرجي عليه شهود والله رقيبها
بمصقلات الهند ومزرج القنـاء = وشلف نهار الكون تاكل حريبها
نعم بهم وان قيل اهل الضوايـن = قبيلـة مامـل منهـا قريبهـا
شياهي شروهن بالعمار الغوالي = في ساعه والروح ماينصخي بها
هذا وصلى الله على سيد البشر = اعداد ماقيلت هـروج احكيبهـا
آخر تعديل عزيزقوم يوم 31-Oct-2008 في 07:51 PM.