ناصر الجلاه
الجذع لبس العباة اللي كستها الصوفه=من بني روق الجماله والله يجملها !!
وإبتلش سلطان دون العالم الملقوفه=باليتاما واليتاما مالقا كافلها !!
سلطان الجذع
ماكسته الا ثياب العز وانت تشوفه = حب متنه ثم تناوش كفه وقبلها
الطيور اللي تجي جنحانها منتوفه = واليتيم يبرد اللقمه ولايأكلها
ناصر الجلاه
الرجل قدام آمانه مارقد من خوفه=وأنته مقدس بروق وحجتك كملها !!
خلوا البصره تنادي ساكنين الكوفه=العدا بإلباسة السيف الحدب ذللها !!
سلطان الجذع
انت يوم أحكمت بيت الشعر كم حروفه = الدروب طوال وانته رحتلك فأولها
يالعل اتعابنا فيما مضى مخلوفه = قبل لانخطم صغار الحشو ونعّقلها
ناصر الجلاه
كل واديٍ سال سيله تحتديه جروفه=البلا فالتلعه اللي سيلها سيلها !!
الحروف منقصه والرجل مد كفوفه=والرعيه ماحماها يالجذع هملها !!
سلطان الجذع
الجنازة في حماكم بالكفن ملفوفه = جرحها الاول عطيب ...وغبنها قاتلها
المواقف واهلها.. ياصاحبي معروفه = فالرسايل لايبين العيب يامرسلها
ناصر الجلاه
يامشيع للجنازه حوف علمك حوفه=قبلها شيع جنازه عندكم عدلها !!
كل بابٍ نعرفه ومحكمين دروفه=غير بابٍ أهل المجامل ماني مجاملها !!
سلطان الجذع
يالجلاه انته يطوفك علمنا وتطوفه = العباد اجوادها تلبش مع مهبلها
ياكبر ذنب الجلاه .. وياصغر معروفه = ماتوسطّ لليتيم بحاجةٍ ياأأأملها