حاكم الغنامي
سرّها يالجذع دام الضعيف امخدوم =مانبا والله انرد الهجا بالهجا
حشمةٍ للشيوخ مكملين اللزوم =فالديار الجديده بين ظلم وسجا
سلطان الجـذع
هات مادق في صدرك.. وبعض العلوم = لانصيب يصيب ولانعده رجا
بين قوم الشلاوي .. ربعنا والبقوم = دايم البيض بيض ولاتعود دجا
حاكم الغنامي
ودنا مير يمنعنا الحيا والسلوم = يوم وجه المنافق بالخطا مسهجا
محد سوى سواتك ياردي العزوم =بالفتن لك دروس ودوره ومنهجا
سلطان الجـذع
لاتشيل ألك همٍ من كبار الهموم = ياجحا ليتهم ردوك داخل حجا
أم كلثوم موهومه بكثر الوشوم = وعيبها صيبها .. اللي مامنه مخرجا
حاكم الغنامي
البعير الحمر بالحمل عيا يقوم=حمله اكبر من الضلعين سلمى واجا
ماتصدق بجاهل تنطحه بالهجوم =كن قلب الحميه عندك امبنجا