أليا أدلج الليل وغزتني سوده
دكَت علي هجوسي الليليَه
قامت تقارب مثل ربعن دارو
على الدلال ونارهم مضويَه
وأنا معزَبهم وقلبي مدهل
ومشرَع البيبان للطَرقيَه
وعلومهم همي وضيقت بالي
يا عنك ما في قلوبهم ماويَه
تاخذ معي سجَه ولا تتركني
ألين تقبل بي على الفجريَه
ويصبح على الصبح ماني طيَب
ينبيك عني حالي المبريَه
مدباس لكن السهر خلاني
كسير ساق وحالتي مزريَه
واصبر على ما مرني واتظاهر
بأني بخير وعلَتي مكميَه
ماودي الحسَاد تكشف حالي
وأهل الشماته والردا والسَيه
كلَه لعين اللي عجزت انساها
الفاتن أم النَعس الخدريَه
ام الجبين اللي يشعَ بنوره
وخدودها التفاحه الشَاميَه
ورموشها للي نظرها آيه
كنها شعوب تعلن الحريَه
وشفاها شفَت رضيع ساكت
لكن تفرق بأنها ورديَه
تلفح جديلن ساحرن متناثر
ياصل لخصرن كنَه المزويَه
على قوامن يا حلو تفصيله
حرام ماشافت عيوني زيَه
لا عادها الله طرقتك يا محمد
من يوم سيَرنا على الكلَيه
أسرفت بي وانا معاد أتحمل
طرد الهوى والنظره السحريَه
وأنا منوَل داله ومستانس
خالي فواد وحالتي ماشيَه
ارحبوووووووووووووووووووو
مدبااااااااااااااااااااس يامرحبا مليوووون بالشعر وراعي اشداده
قسما بلاه مامرت علي قصيده فالمنتدى هذا نفسها.
صح الساااااااانك
ولااااااااااااااااهنت
مغليك
تركي بن اهنيدس