بناخي الايداء
على القدس بسم الله نقود الطوابير=ومن ذل خله جالسٍ فالمراحي
عتابه عتابه يالرجال المناعير=مشينا مشينا واعلنوها صباحي
عقاب العنزي
انا خايف ٍ ترجع قبل حزة اعصير = لاشفت المدافع والفشق والرماحي
والا يالعتيبي منت غازي على بعير = لاتنكب ربوعك يابعيد المشاحي
بناخي الايداء
ترانا هل الويلات واهل الاساطير=وكم من حريبٍ ذاق سمٍ ذحاحي
علامك تقال انك تهاب المقادير=ترانا هل الطلات وقت الصياحي
عقاب العنزي
ونعم ٍ بكم ولكل حاجه معايير = تبا تنطح العربان بليا سلاحي ؟
انا رجل اقول الحق من غير تزوير = وماحب الهروج اللي مافيها صلاحي
بناخي الايداء
تري الوائلي ربعه وجيهن مسافير=ولاضنتي عقب المهونه سماحي
صناديقنا صدة ولاعاد فيها خير=وعيت تطيب نفوسنا والجراحي
عقاب العنزي
ترى الوايلي يجزى هل َ الخير بالخير = ويقرّ الحقايق من جميع النواحي
تصبّر عسى الدنيا تسوق التباشير = ويجبر جناحك ياكسير الجناحي
بناخي الايداء
توكل على الله لاتحسب المخاسير = وشد الحزام اليوم وانو المراحي
نبا جنة الفردوس كب المعاثير=ونصرٍ يشيد له يزيد انشراحي