علي فلاح العضياني
يا معجب العام ما وضعك بمعجبني=إن كان ما زلت لا تتعب و تتعبني
من يهدم الجدر ما هو مثل من يبني=والبيت ما يثبت الاّ فوق سيسانه
إليا كتبت الوصيّه يالعطاوي تعال=لو ما تفيد الوصاه اللي توصّيبها
المزح وقت التحدّي ما يجي له مجال=واشيب عينك يابو سلطان وا شيبها
معجب العتيبي
ياللي من العام ذاكرنا وناسينا=
يابركها ساعةٍ جابتك بيدينا=
ماهو ضروري نراضيك وتراضينا=
والبيت ما يثبت الاّ فوق سيسانـه=
السنه الثابته ماعاد فيها جدال=ياطيبها سنةٍ للحق ياطيبها
والله لتشتال ماشالن ظهور الجمال=والحمله الطارفه لابد تسريبها
علي فلاح العضياني
آثرك ما زلت يا معجب على خبري=يا طول بالي عليك و يا كثر صبري
والله لا أسجّل بك الليله هدف كبري=و البيت ما يثبت الاّ فوق سيسانه
هلّت عليك الصواقع من صدوق الخيال=في ليلةٍ مدلهمّه عاويٍ ذيبها
يدور في بالي إليا شفت معجب سوال=لو يدخل (امّ المعارك) وش يسويبها ؟
معجب العتيبي
واثرك لازلت متغطرس ومتعالي=
ياصغيّر السن لالا وابري حالي=
ياناوي القول فيك اسجل اقوالي=
والبيت ما يثبت الاّ فوق سيسانـه=
ياهيه ياللي ركبتوا فوق روس الجبال=الوضع طيّب وشوف النفس يغديبها
ان كان ماتعلم اللي صار يابن الحلال=طبيبك العسكري يافلان يدريبها
علي فلاح العضياني
حاشا و كلاّ معك ماني بمتغطرس=يا شاعرٍ عندنا فالمدرسه تدرس
لكنّك إبتل معي فالقاف لا تمرس =والبيت ما يثبت الاّ فوق سيسانه
المعرفه عند أهلها مكسب و راس مال=بين العوارف نبيعبها و نشريبها
أنصت معي .... و استمع قول النبي ويش قال: = ( حرام من طوّل ثيابه يصلّي بها )
معجب العتيبي
نيتك ياصاحبي وش فيك تقلبها=
تحسبك صرت المدير ولادريت ابها=
لكن خلك معي والنفس دربها=
والبيت ما يثبت الاّ فوق سيسانه=
عند العرب ياعلي مثل القراح الزلال=والنفس يصعب على الانسان تهذيبها
ياللي حفظت الحديث اعطيك عقبه مثال=لاتردع الناس وتعوّد على عيبها