العازمي
من يوم جيت المنتدى راحو هل النخبه طشيش= اللي منوّل نافخٍ ذربه بعد جيته صنم
الشعر اله عندي من الافكار خيلٍ قدم جيش = شلفاي وإن وجّهتها ماتاقع الا في لحم
نايف بن ملحق الثعلي
من يوم جيت المنتدى بالهون واركد با لشويش=قدمك رجال((ن)) تفتل الاشناب خلك محترم
ياطير حنا خابرينك ماتطير بدون ريش=خلك محلك لوتهب الريح ماطاح العلم
العازمي
هاذي غريبه كيف جيت ال ,,قافنا وانته خريش = تغيب لامن قالو الابطال سلّم واستلم
اللي سواتك مايداني كان فالاذنين نيش = ياللي تعرّض قدمنا ماودّنا كسر العظم
نايف بن ملحق الثعلي
مهما يقول الجاهل المغرور مايقدر يعيش=ياعيد انا خابرك ما تاقف على باب الندم
ليش المشاكل والغلط يا صاحبي با لله ليش=احسب حسابك يا العتيبي لايزل ابك القدم
العازمي
نعمه ليا حصّل ولد ملحق مع الايام عيش = يرتاح في واد المحاني لو رزقه من عدم
ميدان لعب وملعبه بالفكر يانايف تطيش = ماطبّها من شب ناره من مصاريع السلم
نايف بن ملحق الثعلي
رحلتك هاذي طولت واظنها رحلت قريش=وان كان ماتقدر علاها خلها لاتحتزم
البرق يبرق والمخايل فوق وادي ابو عريش=ترى الكرم لله يارجال وابشر بالكرم
العازمي
ماودّنا يطلع من الاسلاك سلكينه بـــ فيش = لو تشتبك ماعاد يانايف تطاولك النسم
اللي مدحلي سوق بيش اكيد يسكن يم بيش = تهناه رحمتها بعد ماكان مصاص العجم