مقعد الدغيلبي
سلامي عليكم ياعتيبة اهل الطيب = بعدها تفضل ياسعود الدماسي.
بعد ماوصلنا من طرفكم مكاتيب = تحاول تعلق فالجبال الرواسي
سعود الدماسي
نيابه عن عتيبه نرد التراحيب=هلا مرحبا ياراس من طيب راسي
ترانا وردنا صافيات المشاريب=وسود التنك مايطلعن النحاسي
مقعد الدغيلبي
بغيتك تعدي فوق روس المراقيب = وطحت الك طيحة وانت مانت امتواسي
متونك تشكى ضرب شلفا تراحيب = مسوي سياسي وانت مانته سياسي
سعود الدماسي
انا كنت احسبنك سفير الدغاليب=وهالحين صارت لخبطه فالكراسي
شربنا الفناجيل وخذينا المطاليب=وبعض العرب يدخل بعينه نعاسي
مقعد الدغيلبي
أنا عن حماك منزحٍ للاجانيب = طبيعه خلقها الله من قو باسي
تقوله ولاشفناك وقت المواجيب = وابا اذكرك ياسعود لنكنت ناسي
سعود الدماسي
ونعمين يالي جيت بالفطر الشيب=وهذي ترا عادتك والوقت قاسي
تجنب ولايفنعك يا شيخ تجنيب=بعد صابتك من لذعت الالتماسي
مقعد الدغيلبي
نجيب الغنايم وانت مخدوم ياشعيب = ياقايس بحر ترا البحر مايقاسي
عطيناك بشت وصرت ضمن المناصيب = تكشخ وسيّر في جديد اللباسي
سعود الدماسي
بعد ماغرسنا فالنحور المخاليب=اخذت الغنايم وانت مالك حساسي
تقوله ولا انته من حساب المعازيب=ويصرف عليك الشون بنك الرياسي