بسم الله الرحمن الرحيم
نعيش هذي الايام ذكرى عظيمه الا وهيا ذكرى مزاين الهيلا ذالك الصرح الشامخ وهذا الانجاز الذي تميزنا به نحنو انباء
الهيلا وبهذه المناسبة هاضت القريحة بهذه الابيات في المزاين والقبيله عامه وفي المقطه وربعي العلابية خاصة
عشرين عشره عام تسعه وعشرين = حول المزاين يالله انك تعوده
امزاين اعتيبه للابل المزايين = امزاينن كل القبائل اشهوده
غربي نفود السر بين الطريقين = شرقي من المفرق وهذي حدوده
فيه البيوت مشيده والصواوين = وكلٍ بذل ماله وكثف اجهوده
حنا نزلنا فيه فالماقع الزين = والبيت فالصاهد رفعنا عموده
بيتٍ تقلط به سمان القعادين = لضيف والا من لفتنا وفوده
كلمة هلا يا مرحبا للعزيزين = انقودها والعود الازرق نقوده
ونارٍ تدهمر جمرها كالبراكين = وصفرٍ على الشعله مهيب امحدوده
جونا وزارونا شيوخ وسلاطين = يجذبهم المبناء وساطع اعقوده
ويوم الوعد حدد لرثم العرانين = والميد إبه طرشٍ تزايد احشوده
جينا وخذنا الجائزه فالثمانين = فزنآ بصفرٍ للمنافس هبوده
ويضاً حميناها مع اهل الثلاثين = أبذود ابو فيصل ويا حي ذوده
حنا على ما قيل فزنا بثنتين = والطيب زدنابه ثمانين زوده
علابيه ربعي قرومٍ دنادين = سم العداء واهل القلوب الحسوده
يوم الجهل نركب شيوخٍ مسمين = على مهارٍ من سطرها شروده
وختامها صلوا اعداد المصلين = على النبي وأعداد ما هب نوده
الشاعر / نايف بن عبدالله بن وخل المقاطي