[وافي الخماش]

السلام عليكم ورحمة الله وبركاته ..

نعود بالجديد والحصري المحاورة حصرية عى قناة المرقاب ..

محاورة العمالقة .. مستور العصيمي و حبيب العازمي ..

طاروق حماسي ولحن من ابداعات ابو فيصل ..

مستور تحت العصا وطا يده = ويقول تسلم يدي يدي
والناس مثله وقبله وبعده = الصعب تلزم يدي يدي

مستور سيدك منت بسيده = تدري وتعلم يدي يدي
بين الرياجيل يعرف مقعده = ماهو بطارف يدي يدي

السيد الي حكمنا في بلده = يارجل تفهم يدي يدي
يموت يوسف وتبلش في ولده = والبادي اظلم يدي يدي

الرجل ما يختلف عن موعده = ياكم وياكم يدي يدي
العازمي لو نطرّه لجهده = لقمة على الفم يدي يدي

انا ترى ما وقعت بمصيده = يافيل الاشرم يدي يدي
العازمي لو بغيت تعقده = عسل على سم يدي يدي

تقول لك علم منت موكدة = ياصم ياأبكم يدي يدي
مستور صاحبك ليش تهدده = قول الهِ ياعم يدي يدي

كم نايمٍ ماصحى من مرقدة = حتى يخمخم يدي يدي
والله ونعم الرجل ما نجحده = والعلم ما تم يدي يدي

كم واحدٍ ماتمدرك مقصده = تراك تحلم يدي يدي
ماحب كثر الكلام تردده = اشرب من الجم يدي يدي

كم ضاع مني لكني مافقده = لو كان خاتم يدي يدي
مطوع الحي يعرف مسجده = صلى وسلم يدي يدي

الي يربي النعام يولده = سلم وتسلم يدي يدي
رح للعضيلة وقله وانشده = يامجمع الهم يدي يدي

زبون بيض الطيور يعدده = واقول تكرم يدي يدي
الي يحدر الشعيب يسنده = مكة وزمزم يدي يدي

اتمنى ان تنال على اعجابكم وان اكون وفقت في كتابتها ..

آخر تعديل وافي الخماش يوم 20-Oct-2008 في 05:10 PM.