[احمد الزايدي]

[align=center]

احمد الزايدي

راع الكرم دايم يجـود يمنـاه تبـذل سخيـه=واللي بخيل ومقـرود ماصـار قايـد كتيبـه
عدالروى ليش مارود يـروي والافيـه زيـه=والبيض ماهي كما السود ما كل رجل أنغزي به

ابو وافي العتيبي

راع الوفاء فيه ماجود كل العلـوم الوفيـه=والطيب ماهو بمحدود مادام ربعي عتيبـه
أحمد بناديه محمـود لأنـه يقـدر خويـه=والرجل ماهو كما العود يفرق شبابٍ وشيبه

احمد الزايدي

الناس حاسد ومحسود تنظر بعين(ن) قويه=من عينه يثور عبرود والطب عاجز طبيبه
محمود عنده ترى ذود ويجيه صبح وعشيه=ونهاية الرجل للدود حاجه ولا هي غريبـه

ابو وافي العتيبي

الناس صائد ومصيود والرعد نسمـع دويـه=من يمه العلم مردود راعـي علـومٍ عجيبـه
لاصار لرجـل مولـود بكـرة يناديـه بيـه=الناس عاشت على الكود والدهر ماقوى لهيبه

احمد الزايدي

نسمع قصص لأهل الأخدود ناس قصصهم طريه=ومن قبلهم ينذكر هود لكن مـن يقتـدي بـه
الخالقك لا زم تعـود مـن دون ولـد وصبيـه=يلزمك تجعل لك أورود والعبـد ربـه حسيبـه