ياهلا سطام بعد اذن خيال الشرفة
اقتباس:
المشاركة الأصلية كتبت بواسطة سطام العفار
والله نعم بعتيبة ومطير
عدد القبيلة ماهو مهم المهم الصلاح والدين والفعول في خدمة الاسلام
|
كل عاقل يقول هالكلام مافيه شك .
اقتباس:
|
الاخ خيال الشرفة قال ان مطير اكثر من عتيبة
|
ماقال هالكلام انما يقول متقاربين وانا اؤيده خصوصا ان التخمين من ناحية الديار ودليل الهاتف لا يعتد بهما الا باحصائية رسمية .
اقتباس:
راح ارد عليك رد منطقي والكلام كلة داخل المملكة العربية السعودية لان خارج المملكة لايعنينى ولا يهمنى
مقارنة
|
بالعكس مهم جدا امتداد القبيلة خارج الدولة دليل على اقدميتها وتوسعها وكثرتها .
اقتباس:
|
معقل مطير قرية العلياء وعدد سكانة عشرين الف اخر احصاء
|
ماهيب معقل لمطير لحالها وين راحت باقي ديار مطير وهجرهم وقوعها بالصمان ونفوذ الثويرات والقصيم والمدينة لكن اغلب هالاماكن ماهيب تشتهر مثل قرب الديار الكبيرة
اقتباس:
عتيبة عددة الاول في مدينة مكة المكرمة
والاول من غير منازع في مدينة الطائف
|
صحيح .
اقتباس:
اما مدن عتيبة ولله الحمد لايوجد معهم احد مثل
عفيف وشقراء والدوادمي وثرمداء والجمش ومرات
|
هذي والله مايقبلها العقل يا سطام الله يهداك
اقتباس:
|
وبقعاء وعين بن فهيد والزلفي
|
بقعاء فيها قبايل ما تهمشهم وعين بن فهيد والزلفي فيها قبايل من بادية وحاضرة ماتصير عتيبة اكثريتهم
اقتباس:
|
ولهم تواجد في المجمعة يشكل بربع
|
والله يا سطام هذي مبالفة مايقبلها العقل لو تعرف المجمعة زين ما قلت هالكلام عشان ما اصير مبالغ على اقل تقدير مطير ثلث المجمعة والثلثين مابين عتبان ورشايدة وظفير ومن قبائل الحضر.
اقتباس:
|
واقدر ازيد على ذلك بكثير على حسب ردك
|
والله ماودي تزيد ولا يزيد غيرك لان وش الفايدة في النهاية ؟ اتمنى تصير هذي اخر مشاركة لي بهالموضوع .