بندر المرشدي
ابو تركي تالي الايام جاين فيه خله=ما هقيت انه يسويها ويرسله وصيه
حاول يشيل الجبل مار الجبل مرسي محله=من يخطط في ظلام الليل ما ينشي سرية
ناصر المرشدي
ماتثبت حجةِ بين العرب من دون ادله=ولايحصل من وراها لاكثير ولابليه
ودنا نجلس معك وكتابك المطوي نفله=لين نقرى ماكتبته بالحروف الابجدية
بندر المرشدي
الدعاوي ثابته ومثبته والهرج خله=يشهدون اهل البلاد اللي توصيهم عليه
كيف تاتفهم كلامي بعد جحد العلم كله=ما خبرنا واحدٍ يطعن بلا عرف وقضية
ناصر المرشدي
لاتعقد الحبل ثم بعدين ماتقدر تحله=كيف اوصي وانت مثل السبحة اللي في يدية
ماجهلت الموس في كفي وراسك لاتبله=خلها تبقى معك شرهة خويِ من خويه
بندر المرشدي
لو تبجح بالسوالف من وجودي ذله=وبالفعل صفرٍ مكعب لا تقول انك بليّه
الحكيم اليا تكلم عمر هرجه ما نمله= اصرف اصرف من ذهب والا تريح وسط فيه
ناصر المرشدي
يامترجم كان مايدري عن المقصود قله=ثابتِ ثبوت برج المملكه والفيصلية
بعد شفت النور شوف العين صل الفرض صله=قبل ماننكبك في دعواك نكبه عالميه
بندر المرشدي
احسب انك تاتعذر واعتبرها منك زله=مار مركيها على الجحدان ياكبر الخطية
ما يعشي ضيفه اللي مشعلاً ناره بجله=وحده هاذي وأخذها... باقياً ضربه قوية
ناصر المرشدي
ودي اعرف كيف في صاحبك صدقت المجله=لين بانت نيتك يابو 3000 نيه
المصيبه واحدِ ماقط شب النار لله=والا انا لجيتني حييت تلقى النار حيه
بندر المرشدي
الشواهد والقراين تثبت انك فيك علة=غلطتك بالحجم خمس اضعاف من مقلع طمية
كيف خالفت الصواب.. العلم ما أنت بصاحيٍ له= ما نقول كذوب وذمتك ماهي برية
ناصر المرشدي
والله اني خابرك رجال الك مذهب ومله=بس خربك الجذع سلطان لان اصبحت عيه
يامسافر لاتسافر خلها قره وفله=طيع شوري قبل يذبحك الضماء فالمهمهية
بندر المرشدي
ماني بمداح روحه من ورد عدٍ يدله=اعرف انا مانخاو الا الحرار الصيرمية
اثر تغيير الحقايق في قواميسك جبله=من علومك ياهذا.. بندر ترا يضحك زرية
| التوقيع |
يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
::
ديواني من إعداد الزميل/ عمر الدغيلبي ... بيض الله وجهه |