[قادح شرار]

يا مرحبا بالجميـــــــــع . . . . .


قادح شرار :

يا عيد يالعازمي من قبل تسعة شهور = درسّتني درس ... ماني ناسي الملعبه
لكن أنا اليوم أعرف أغوص كل البحور = والمعرفة جاتني ياخوك مـن تجربـه

العازمي :

ماقلت غير الحقيقه في زمان الغرور = غيرك نحدّه ,, ويفتل للعرب بشنبـه
باقي عليك اربعه وتحوز كرت العبور = واللي سواتك حرام العازمـي ينكبـه

قادح شرار :

أنته من أول .. وذلحينة ما حولك قصور = ومرار يالعازمي تقرص كمـا العقربـه
لكن أنا بعدي العالم >>تـروح القبـور = شخص ٍ وأدوس الحنش راسه وحتى ذنبه

العازمي :

اشوف قادح معي يبغى يلف ويـدور = والمشكله لو نشـد الحبـل مايكربـه
ان كان قصدك تدوّر سور مافيه سور = يوم الذيابه تحوف الظلـع ماتقربـه

قادح شرار :

أثرك يالعازمي بـارود ...يمكـن يثـور = لو تدري النـاس بالبـارود مـا تقربـه
مير البلا إنك تهزهز >> وقت دق النجور = ترقص كما اللي شياطين الطرب تركبـه

العازمي :

العازمي فالشعر علة بوسط النحـور = كم واحدٍ يـروح البـارود لازهّبـه
بالله وش حيلتك في ليل مافيه ,,نور = لاتحسبنّي معك دايم علـى المرتبـه

قادح شرار :

قادح فوقت الشعر .. ما تحتمله الصدور = كل العرب تسمع الموتـر ليـا وضّبـه
لا ظلّم الليـل خلـك يالعتيبـي صبـور = معروضكم قدمه في شركـة الكهربـه

العازمي :

الورد مايثمر اليا حط وسـط القـدور = كم واحدٍ فوق راسه جر سلـك أسببـه
ياقادح الله يرجـك ليـن دمـك يفـور = بكره تجهّز ,,وزر,,مرزوق في ,,مكتبه

أشكر جميع الأخوان اللي شرفونـــــا .