يا مرحبا بالجميع .
قادح شرار :
يا ناصر أنته مغيّب منذ وقـت ٍ طويـل = قلادتـك ليـش مـا طبّقـت قانونهـا
دامك على شيلها ياخوك >>ما فيك حيل = عطها رجال ٍ تقف بالسيف من دونهـا
ناصر الجلاه :
ماغاب منهو حضر في ماقفه يالزميل = أم الكباير كسرنا فوقهـا شونهـا !!
قلادتي سمعتي شجـاع مانـي ذليـل = وأنته قلادتك سبحه صونها صونها !!
قادح شرار :
لا تكذب وتدّعي بالصدق يا ذا الحليـل = غيّبت في قرب ليلى >> وأنت مجنونها
مالي قلادة لكن أشيل سيـف ٍ صقيـل = أضرب به الجـن و أ قلّعبـه عيونهـا
ناصر الجلاه :
ماني بكاذب ولاني راع قـالٍ وقيـل = ياليت بعض العباد توفي اديونهـا !!
ياراعي السيف وينك يوم جاك الدخيل = لاتجحد طعونها يامكثـر طعونهـا !!
قادح شرار :
ماني بمديون ياناصر >> وهات الدليـل = الشجرة اللي نمت >> ما تلحق غصونها
مالـك بهالليـل لا مقعـاد ولا ّ مقيـل = اشـّوي وصدورنا>> تخـرج بمكنونهـا
ناصر الجلاه:
أليا نسيتوا حقيقه مابها مستحيـل = بقعاء ليا فرعتلك بيضٍ سنونها !!
ارتاح يابن الثبيتي تحت ضلٍ ضليل = أليا طفت ياعميلي لاتشبونهـا !!
قادح شرار :
لو تدّعي بالكلام .. إتحـط ولا ّتشيـل = بقعـاء فذالليـل حطتكـم بكرتونـهـا
موتك قرب يا عميل الخير .. والله وكيل = جتك المصيبة >> وتمشي لك بطبلونها
ناصر الجلاه :
ياطول صبري عليكم مار صبرٍ جميل = لكن حطوا ذبيحتكـم بماعونهـا !!
ماني براعي علومٍ ماوراها حصيـل = أنا من اللي مواقفهـم يسمونهـا !!
إنتهى .....