في ليلة من ليالي الشعر وقبل فترة من الزمن دار لقاء بين العملاق والمغفور له باذن الله شاعر مطير في وقته الشاعر عبدالله العير مع الشاعر مشعل الشيباني عند قبيلة الشيابين
وفي احد طواريق هذا الحفل ذكر الشاعر مشعل الشيباني حادثة مناخ الشعراء وهروب مطير مع ترك النار مشتعله وترك حلفائهم قبيلة حرب فاعترف الشاعر عبدالله العير بذلك في احد الابيات وقال انها خطه منا نحن يا مطير .
المحاوره واضحه وبيتين المحاوره ساجعلها باللون الاحمر
مشعل الشيباني
مرحبا ترحيبة ( ن ) قلتها في يوم عيد
في حِلال العزوه اللي يظـل ظلالهـا
الحفارا رحبـوا بالقريّـب والبعيـد
والرجال الطيبـه طيّـب الله فالهـا
عبدالله العير
البقا من هاجس ( ن ) فـي مواقيفـه يزيـد
ماتغيب الخصمه ألا يجيـب ابدالهـا
ياولد مشيب عسا معك قلب ( ن ) من حديد
لو تجيه اكبـر مـن النيـر الاسـود شالهـا
مشعل الشيباني
ان سمح لي فيك ابو مشعل الشيخ العقيد
والله ان لسري بغترتك قدم إعقالهـا
ابشر أني فـالمواقيف لي باس ( ن ) شديد
والمخايل شايف ( ن ) من عصير خيالهـا
عبدالله العير
العقيد يقول يابن الحلال أركـد واهيـد
حيمرت عينك على الضيف لا تضرالهـا
لا بنانا البيـت ثـم أجتمعنـا بالوعيـد
كم هنوف ( ن ) تشلح الثوب فوق عيالها
مشعل الشيباني
أحد عايش في شقا وأحد فـالدنيا سعيد
علّم المطـران والخيـل مـن خيالهـا
لا بنيت البيت ثم جاك بالعلـم البريـد
تاتخلي حـرب فزعتـك فـي منزالهـا
عبدالله العير
كان ماريّخك ناصر زبنت أبـن فهيـد
لاان تِعذر فـي الحمولـه وفـي جمّالهـا
خطة المطران ماجات من راس ( ن ) بليد
ولّعَ النيـران والفـرم جـا فـي فالهـا
مشعل الشيباني
لو منت بـعند ناصر فتلنا فيك قيد
الله اللي يجزي الناس حسب اعمالهـا
خطة ( ن ) من شينها ماتسويها العبيد
ماتسويها القبايـل بـروس رجالهـا
عبدالله العير
لن ربطـت العيـر قلنـا لعلـك ماتفيـد
أزرت عتابه وراحت تجيب إ حبالها
وهنا رابط القصه المعروفه لمن لم يسمع عنها