[عفارالأسعدي]

المشاركة الأصلية كتبت بواسطة عزيزقوم

يا ذا الحمام اللي على ملج وانطاع = بالله عليك انحر أمام المصلي
تلقى محمد باسفل السيح زراع = قرم اليا جوه النشاما يهلي
حيل تقدم والمعاميل شراع = وسوالف عن كل هم اتسلي
ومناسف يرمى بها زين الأنواع = يلحق بها راع الهزيل المتلي
لادبر الوزنه ولا كال بالصاع = متمعني به واحد ما يخلي
الصيت لولا فاعل الجود ما شاع = ولا ساد في قوم بخيل مذلي

وعندما وصلت أبيات مهلل إلى محمد الفهيد أجابه بالأبيات الآتية:

يا راكب من عندنا فوق مطواع = يشبه لدلو مع شفا البير زلي
ما قلبوا خفه بسير ومرقاع = يشدا لدانوق بموج مولي
تلفي مهلهل ساكن ملج وانطاع = زين الحصان الدوبلي كان خلي
تلقاه باولهم ليا صار فزاع = وان دبروا دايم خلاف المتلي
شيخ الشيوخ اللي يفكون الاقطاع = وزبن الدخيل اليا لفاهم مذلي
كم فارس برماحهم يارد القاع = وكم عودة منهم صوابه يشلي
يا ستر من حط الخواتم بالاصباع = بالذكر والا شوفهن ما حصلي
سلم عليهم عد ما هب ذعذاع = وعداد ما خيل سحاب وهلي
افرح الى قيل اقبلو والسلف زاع = هذا مناي وخاطري يسفهلي
وان كان قيل اقفوا ترى القلب ينلاع = اخوان بتلاقربهم ما يملي
ذي حالة الدنيا مصيف ومرباع = والعمر ينقص كل يوم يزلي
الرابح اللي مخلص للولي طاع = اعمل وتلقى من دقاق وجلي
يالله تعين الروح لا جاه نزاع = وارجيك تسمح عن اذنوب مضلي

مشكور اخوي الاسعدي ولو ان لي عليك عتب وهو ملاحظتي لردودك ضد عنزة

حياك يالوايلي

والعتب والشك زايل بيننا

وانا يابعدي ماخطيت على عنزه واختلاف الراي لايفسد بالود قضيه

وانا اتبع في ردردي لو لاحضت بعدم هضم امجاد الغير


لان القبايل لها تاريخ واي واحد يحاول يقلل من شان القبايل العزيزه صدقني يالعنزي

والله ماياصل المبتغاه لو يحرج على نفسه وعنزه ورب الكعبه انها من اعز القبايل على قلبي

وصنعت امجادها بذرعان ارجالها الصناديد والله لافلان ولا علان بزيدها ولا ينقصها هذي حقايق

وحنا بيننا وبين عنزه قرابه من جدنا العدناني اليما قرابتنا لهم بالشمال والقصيم يابعدي اهل وخوال وبنيخي

وجيره والنقاش هو ابداء للراي حسب الدلايل

تقبل اعجااااابي



وذكرتني بشاعر من الاساعده من قصيده له طويله

ماذكر منها الا



يقول

دعيتني قلت اعنزي منت غلطان ،،،، لي الفخر بالعزوه الوايليه

دام عنزه ترجع الا الجد عدنان ،،،، فانا خذتني بالخوال الحميه

اكنوز تسوا ماتثمن بالاثمان ،،،، لا في زمن قارون والفاطميه


وهي اطول وذا الي حافظه منها



وتاكد ابقلبي ورب الكعبه ماشيل علي قبيله وكلنا اخوان

والنقاش اذا مافيه غلط علي القبيله بالالالفاض الجارحه للقبيله او الكاتب

ماهو معناه اني ضد او مع،،

ولك مني الود والاحترام


والله يابعدي اني اطلع من المنتدي وانتم تدخلون


ولك تحيااااااتي



وشاكر مرورك ولو انها متاخره



اخوك عفاااااااار اااااااااااااااالاسعدي

آخر تعديل عفارالأسعدي يوم 11-Oct-2008 في 06:32 AM.