أقدم لكم إحدى قصائدي المتواضعه وأتمنى أن تستحن رضاء وقبول الجميع
الهواجيس إتسابق على أفكـار الخيـال=والـذي معهـا تناسبلـهـا تختـارهـا
بينهم تكميل مثـل الأجابـه و السـؤال=تستمـر أدواره وتستـمـر أدوراهــا
والخيال اللـي تمـده يمدلهـا المجـال=تكتـب القصـه ويحفظلهـا تذكـارهـا
بعدها الفكره تسلسل معي في كـل حـال=وأتكفلها و أنا أضمن لهـا إستقرارهـا
وأعتبرها للمعاني رصيـد وراس مـال=وأعتمدها دون سوق الجـزال أمهارهـا
والحـروف الأبجديـه تفكلهـا الحبـال=ليـن تـأرد بالمعانـي بعـد مصدارهـا
ما بنت ساس المعاني على الجرف الهيال=ساسها أثبت من جبال الهدى وحجارهـا
وإن قدح زند المشاعر سريع الأشتعـال=الحديد يذوب مـن شدتـه فـي نارهـا
والله الله ياحـروف القوافـي بالجـزال=الأشـارة كافيـه (مهنتـك وأسرارهـا)
لـلسلع ميزانها والحمول لهـا الجمـال=والأمور أعـد رأي الصـواب إعيارهـا
الحرام أحرمه مثـل مـا أحلـل حـلال=واللي أبرك من طوال العلـوم إقصارهـا
هكذا المضمون والشعر أعده من خيـال=والطريقه مستمـره علـى إستمرارهـا
شكلها هذا (من أول مثل لآخـر مثـال)=بعدهـا كـل القصائـد تجـي بأفكارهـا
والخيال اللـي تمـده يمدلهـا المجـال=تكتـب القصـه ويحفظلهـا تذكـارهـا