[بدر الكريزي]

حومل

يا ليت كل الشهور اتصير شوّال=شهر المزاين عسا ربي يعـوده
الملتقى اللي بقى ذكرى للأجيـال=يطريه شبل الوفا لا اطروا جدوده

أبو وافي العتيبي

ياليت هاك الزمن باقي والا زال=شهر المزاين والأيام معـدوده
الملتقى اللي جمع فارس وجمال=الجود والمعرفة تبقى شهـوده

حومل

تظافر اجهودنا بالحـال والمـال=خلاه منبع فخـر للـي يـروده
حنا صروح الوفا في كل الأحوال=يوم ان ولد الردي يلطم خدوده

أبو وافي العتيبي

محدٍ بجاحد رجالٍ كلهـا أبطـال=والراس مرفوع والقوة عضوده
مادام برقا وروق اللي على الجال=تبقى فعول العرب ماهي محدوده

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.