بسم الله الرحمن الرحيم
السلام عليكم ورحمة الله وبركاته
هذه محاوره بين شاعيرين نجمين من اكبر شعراء القلطه في الخليج ةالعربي
وهم سلطان الهاجري و مستور العصيمي
وانا اخترت لكم هذا الطاروق لقوته وجزالة معانيه وان شاء الله انه يحوز على رضاكم واستحسانكم......
سلطان الهاجري
يقول ابن مرعي هلا يامرحبا بالطيبين=على الشحم والهيل والساعه على توقيتها
الليل يامستور مادون الحلوق الا اليدين=لولاك ماطلعت سكيني ولا حديتها
مستور العصيمي
يقول مستور البقا والله يعين المستحين=اوحيتها ولا بعد يالهاجري موحيتها
سكينك اللي قلتها دور لها كبش سمين=ياليتها تشبعك من ذيل الطلي ياليتها
سلطان الهاجري
الك سنه ماغي رتقرا في رياض الصالحين=وشلون مكه والمدينه بعد مامريتها
ياحارس المرمى تعين من يسار ومن يمين=احذر تمرك كورةٍ وتروح ماصديتها
مستور
الحمد لله ماقريت الا كتاب المسلمين=وانته تدور لك على حاجه لكن اخطيتها
يلي تسوق الدول خل الدول يمشي من يمين=فاتت عليك فروض ياسلطان ماصليتها
الهاجري
عز الله اني خابرك شاعر وراسك مايلين= لكن شوف العنكبوت آويش سوى بيتها
بيني وبينك حرب والسبه من بليس اللعين=اثقل عليك من الحصاه ان شلتها وطيتها
مستور
من غير قاصر فيك شاعر يارضي الوالدين=ماني صحيب العنكبوت اللي عليّ اطريتها
ترى السما لوطاح فوق الارض خلاها طحين=حيثك تشوف الدرب بعيونك ليا لديتها
الهاجري
الكحل الاسود مايذر الاعلى الرمش الحزين=وانته بغيت تكحل العذرى لكن اعميتها
بالله يامستور كملك من تعلمت الرطين=من يوم خاويت الخواجه في ظهر ونيتها
مستور
ياصاحبي سلطان هذا الخبز من هذا العجين=تراي مع شرواك قيد اخذتها واعطيتها
الغايب اللي في هذا الدنيا يعين ويستعين=والروح في غير السنع متعبتها واشقيتها
الهاجري
الله على هاك الجمال اللي يجرن الحنين=في لازمي سرحتها في لازمي ضويتها
انتم صبرتوا مار جعل الله يعين الصابرين=واللي على بالي بديت بها شهر وانهيتها
مستور
العب على الموال ياسلطان والخافي يبين=بامدلك يمناي مع يمناك لامديتها
حافظ عاى الاسرار لاتدري قلوب الغافلين=طول علينا الليل والالغاز ماحليتها
سلطان
اهب ياهالشايب اللي ماتشيبك السنين=ظلا يهجرس في طواريقي ليا غنيتها
انا دفنت السر في قبر الحسن ولا الحسين=وانته ترى وضيت رجل ورجل ماوضيتها
مستور
الرجل في دنياه لابده يدين ويستدين=وانا ليا وردتها فوق العدود ارويتها
نبا نخليها شروش تبين ولاماتبين=طردت بالاقدام في دنياي لين احفيتها
والمعذره ان حصل قصور لان الكاسيت عندي ماهو واضح....
اخوكم\ بحر جده