[أبو مرحبا]

السلام عليكم ورحمة الله وبركاتة

أخواني عشاق المحاوره هذه المحاورة تعتبر من أفضل المحاورات
بحثت عنها في جميع المواقع ولم أجدها وسجلتها من الشريط (الكاسيت) اللي عندي
وهي بين الشاعر الكبير حبيب العازمي العتيبي والشاعر الكبير سلطان بن وسام الهاجري
فكانت البداية من الشاعر حبيب حيث قال:




حبيب العازمي:

هلا يامرحبا في ديار أهل عمهوج وأهل الصيت=ليا منك جهلت أنشد عن اللاد عضياني
يقولون الرجال ونعم أهل مقاف وجاه وبيت=ولن ركبوا ظهور الخيل فالميدان فرساني

سلطان الهاجري:

يدوم الك البقا وانت تناديني وأقول أوحيت=وأهل عمهوج قومن ذكرهم ماهو بيخفاني
تهرج ياحبيب وأخذ رد البيت رد البيت=عصا موسى معي وانت معك خاتم سليماني

حبيب العازمي:

انا خابرك تدري والعرب تدري بحي وميت=لو انك مادريت اصلن للأول علم الثاني
والا ياللي تسير بالعصا لو كان رحت وجيت=انا عندي ثقه تمزح ولا يمكن تحداني

سلطان الهاجري:

أضنك كل قصدك يوم انا هاك السنة حجيت=ذبحت الفدي الاول ثم ذبحت اوخيه الثاني
على يمناي واسمعني ليا غنيت=مامشاها العريباني على شان العريباني

حبيب العازمي:

متى حجيت وانا خابرنك ماتعدا هيت=اضنك رايح للمكرمي مع خط نجراني
والله انا مانزل ولا نتصيد لك ليا زليت=انا ابوي على الشعار قبل لايموت وصاني

سلطان الهاجري:

ماتذكر يوم مريتك على النيسان والوانيت=يومنك في عفيف مجندل لك كوم ضباني

أتمنى أن تنال على أعجابكم


أخوكم
أبو مرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي