[عبدالرحمن الهيلوم]

(( شاعر الأسبوع ))الشاعر عمرو بن مبارك بن منيع الأسعدي العتيبي (راع القصيفه)

من جريدة الجزيرة :

كما عودناكم أن نقف عند أحد شعراء هذا الوطن الغالي.. ولأول مرة عبر الإعلام تنفرد مدارات شعبية بالحصول على بعض من سيرة وشعر الشاعر عمرو بن مبارك بن منيع الأسعدي العتيبي (راع القصيفه) عاش وتوفي في بقعاء شاعر جمع الشعر والكرم والجود. وكان -رحمه الله- من كرمه يعشي الضيف وزمالته ومن كرمه باع أحد ثيابه كي يشتري القهوة والهيل للضيوف. له قصائد كثيرة وله العديد من الردود والمجارات مع بعض الشعراء المعروفين.

ومن قصائده نختار هذه الأبيات من قصيدة طويلة:

يوم صار المال بيدين البخالـي
يفصدون العرق لو هو باليميني
آه وا ويلاه من حق الرجالـي
لا طلبها في سنين مدهرينـي
ما جمعنا المال حـب للريالـي
لو نجوع ليا تعشا من يجينـي
يالله الستار تستر لي حوالـي
عن وجيه ما تعذر في سنينـي
جعل مال ما تجمـل بالرجالـي
للزوال يزيلها ربـي عوينـي




وله أيضاً رحمه الله:


عسى الغنم يا كله ذيبـي
يا عل مالـي ولا شاتـي
وأسـرح بليـا معازيبـي
وأمشي على غير مشهاتي
حفي القـدم بالمراقيبـي
ماطا الرجل وسطها ماتي
كـل الهبايـب توميبـي
يالله تستر مـن الواتـي
يا لله على الربع تلويبـي
وأحط كبشه على الشاتـي




وها هو الشاعر حمود النخيلان الشمري يسند هذه القصيدة على عمرو بن مبارك يقول منها:

عديت أنا راس النبا يـا نديبـي
وعزي لمن مثلي تعذب بمرقـاه
عديت به من فوق رجل وعسيبي
والثانية رجلي عن القاع نرفـاه
عديت في راسه صياح وطنيبـي
وانخا هلا الردات وأهل الحميـاه
ليتك حوالي يا عمرو يوم أعيبي
ليتك حوالي تنهض الراس وغطاه
يا راكب حمرا تقل وصف ذيبـي
حمرا من الزعرات يا حلو ممشاه
تشدا حمـام فـر ملـه جذيبـي
ركابها عجل من الضيـم ينخـاه
العصر تبرك في منـاخ العتيبـي
تلفي لعمرو في علـوم وسلامـاه
سلم على عمرو وعيـد قريبـي
وسلم على اللي حولهم بالقرابـاه




رد عمرو بن مبارك على حمود النخيلان.. منها:

يا رسـل دن اللـي تـود الغريبـي
منوة غريـب ضـارم درب مضمـاه
حمرا طواه القفـل مثـل العسيبـي
يطربك مرواح إلهـا عـن مضحـاه
وشلون رجلـك واعساهـا تطيبـي
هـذا سبـب ذنـب وكفـر خطايـاه
طبه صخيف الوسط زينـه عجيبـي
اشفق على اللي ود عينـك بلامـاه
احرص عليهـا لا تطيـع الخطيبـي
احرص على اللي يبري الجرح شوفاه
تشكي هوى حـب الجميـل اللبيبـي
وأنا بعد مثلك مـن الحـب بشكـاه
وانا معـك فـي كـل درب صعيبـي
لرضاك نمشي نبذل المـال والجـاه
ويا عل رجلك بأمـر ربـي تطيبـي
وتبقى على طـول الليالـي معافـاه
ولو يجتمع مـن مشرقـه للمغيبـي
ما يدبرون أمـر سـوا الله يجـلاه


وهو الذي يقول فيه الشاعر الخمعلي العنزي قصيدة من ضمنها:

راع القصيفه عمر يا حمود
نعـم إليـا حـل طارييـه
لاجيت بابـه منـا مـردود
فنجـال بــن وصينـيـه
له مشـرع دايـم مـارود
ولا حسـب الـورد بيديـه
الطيب من ماكـره موجـود
وكـر القرانيـس قطعيـه
يا كود تلقط على المعـدود
والبيـر تـرداه طرقـيـه
تصدر ورود وتجـي ورود
ويحمس لهـم بـن بريـه
والنـار ورث لهـا بالعـود
لابــد تلقونـهـا حـيـه
حزمت خطب وزنهن مرجود
ورسلانهـا دوم مركـيـه
بالمقبله شلعـه يـا حمـود
بالمقبلـه تشـلـع يـديـه
شوفي بعيني ما هو تـردود
راع القصيفـه عمـل ليـه





رحم الله شاعرنا وغفر له.. وإلى اللقاء مع شاعر آخر
(( شكر خاص للأستاذ/ حمود بن مبارك العمرو والأستاذ/ عبدالهادي عبدالله العمرو ))

جريدة الجزيرة يوم الجمعة 25 جمادى الأول 1429هـ