حدايه بين الحشيشي الثبيتي والفاقوش الهذلي وذلك بمناسبة أفتتاح منتدي ,,,,,,,
[size=2]بدع الحشيشي :
سلام تسليم الشريعه واجب المسلم على المسلم يسلم الطيب يمشيبه وله في سكة السلطان جره بالوفاء قدر ومحبه
ردية توفي مواجيب الرجال مع الرجال وكيلها والمد وافي مايغيرها شقى الايام كود الشمس غابت والقمر عن طلعته يغيب ضوه
تنصى عوانينا ثماله حصن مبني فوق سيسان الوثاقه شيده بانيه من فوق العزاز بقدرت الله الصبا ولا العوالي ماتهبه
العزوه الي في اللزوم عزوم في وقت الطلب تمشي على الساق المنيع ولن تغير حال مثل النار والبارود يوم يغيم جوه
الطيب فيهم والكرم والجود وليا حل خيفه فى البلد عند الحرايب كل منهم يعتزي بإسم ثقيف ولايهاب الموت اله يدحم بجنبه
ضد العدى واهل القدى مرسى العرافه والضيافه والكرم يالله لاتخِل الرجال من الديار الي يعرفون المروه
يقوله الي مايجيب الهينه من يوم جداني وبويه مايحبون الخباثه طيب للطيِب وعلمن ماعنانا صاحبه مانمدحه ولا نسبه
ربعي ثبيت اهل الشكاله متعبين الجيش وظهور الاصايل في زمان اول ليا نشّى خياله وارعدت برعودها لن حاز نوه
لطامت العايل مثل موج البحر مده وجزره من عرف موج البحر يدرى على نفسه من الموت الحمر ويشوف سوّه مايطبه
وختامها مني تحيه يارجال المنتدى شعار وشيوخ وشباب وللعلى ندعي لكم بالعون والله يستجيب لدعوتي تبقون قوه جنب قوه
رد الفاقوش :
يامرحبا ترحيبةٍ مثل الجبل ترسي وتوزن بالذهب بين العرب ماشابها التقصير والمدّ الغزير يْمدّها من كل غبّة
ترحيبةٍ ماهي خسارة فالقروم اهل السلوم اللي تعز الجاروالعاني ولاتقطع حبال الوصل مابين الاخوّة والعنوّة
اللابة اللي ماتعدّاها الزمان وحطها في هامش النسيان وانْحاها ولبّسها من الخذلان والخُسْران جبة فوق جِبّة
قوم الدلايل والجمايل من لحاها والفَخَر يتبع خطاها كلها مامنهم اللي يسلك الدرب العَوَج ويتوه فالدرب المتوّه
أهل الوفا واهل الصفا وجه وقفا تذري الدخيل وتومن الخايف ولايغدي لمن هويستجير بْجالها مثقال حَبّة
أقولها من راس طايل بالمثايل راس ماله من حلاله مانزل فالموقف اللزام والاّ حام خالي من زهابه والحُزوّة
ربعي عريبين الجدود وْلاتعدّى فالحدود ونارها تشوي الجلود امْع الكبود ولاسجد منها صغير وعَوْد لاحْدٍ غير ربّه
تبيع بالغالي وتشري بالغلا بين الملا تختار مايُفْرض عليها الاختيار من الصّغار ولا الكبار وقبلما تَبْدي تنوّه
يشهد لها الماضي البعيد وحاضر الايام وانسام الهبايب والشجر والصخْر وقروم الرجال وكل نهر وله مصبّه
وختامها صلوا على المبعوث بانوار الهداية والعناية رحمة امْن المعطي المنان بالايمان والقرآن وِخْتام النبوّة
[/size]
لكم تحياتي ..................
آخر تعديل الحشيشي يوم 25-Sep-2008 في 02:35 PM.