بحر جده =
سلام الله سلام مـن بحـر جـده نزفـه زف=على اهل المنتدى الراقي وذيب المنتدى الراقي
يابن عاصم نبي ننحت صخر ومن الزهر نقطف=وروس اللي تعادينـا عليهـا مـوس حلاقـي
سعود العصيمي=
هلا يامرحبا ترحيب من بنك الذهب يصرف=عدد ماخطن الاقلام في طيـات الاوراقـي
توكلنا على الله والتعـب فالطيبـة يخلـف=ولا يلحق هل الطالات شك بجل ودقاقـي.
بحر جده =
غزيت البارحه يسعود لكن مسرعك تنكف=وانا اقول الك دايم لاتعجل ركزت الساقي
واذ جينا الحقيقه فرحتي والله ماتوصـف=بلقياكم وانا للعب معكم صرت مشتاقـي
سعود العصيمي=
غزيت البارحه واخذت شفي مابقالي شف=ولامنه بدأ لي شف ابا اغزي واخذ الباقي
على نيتك ترزق والعرب عن نيتك تعرف=لكن الليل دام إني موقّف لك على ساقـي
بحر جده =
ليامنه بدالك شف عـن هقوتـك تاتخلـف=واظن الحمل جاير ياولد ماعـاد تطاقـي
نوايايه سليمه والبلا في اللي وصل يزحف=نخبره فاليمن واليوم جاء باقامـة عراقـي
سعود العصيمي=
الاول غالب التالي ومن يتليه صـار اضعـف=ولو دورت الك دربٍ عليّـه مانتـه ابلاقـي
بحر جده نصف عمره قضى وسط اليمن يلتف=وفي آخر هجرته هاقي هقاوي ويش هو هاقي
بحر جده =
عسى الله يصلحك ياسعود عن بعض الدعاوي عف=ومـن دور لقـى واخصامنـا تحـدى وتنساقـي
بحر جده نصف عمـره شجيـع ويحتـم الماقـف=ولامنـه نـواك يعللقـك فــي راس معـلاقـي
سعود العصيمي=
عسى ربي بنا وبكل مسلم فالبشر يلطـف=وانا ماقول في قصور شاعر طيب أخلاقي.
لكن لاتقرب المشراف زال الذيب ابه شرّف=تريّح لايضيق الكون ابك والكون ماضاقـي
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|