[عزيزقوم]

المشاركة الأصلية كتبت بواسطة برزان0

بس انا عندي سؤال دام كل هالقوة عند عنزة اكيد انه مسيطرة على افضل الاراضي بالوطن العربي.

.................................................ع رعر وابالقور.......................................... .......

دائماً برزان الله يجزاه خير يراوغ عن الحقيقة
والان خرج لنا يقول ان ديار شمر بالعراق والسعودية هي افضل شيء ويلغط وكأنه يقول انه لاديار لقبيلة عنزة في مثل ديار شمر .
احب ان اوضح للقراء الكرام من واقع خبرة وخاصة ديار ولد سليمان وشيخهم العواجي اقول انها افضل من ديار شمر حايل .واللي ماهو مصدق يسأل اهل الخبرة حتى من شمر انفسهم
والتي يمتد منها جزء في نجد وهي المنطقة التي غرب حايل الى قرب ديار الايداء بالقرب من خيبر والى تيماء غرب شمال .
ثم النفود الكبرى والخنفة شمالاًوهي خارج منطقة نجد .
ومن المعروف عند اهل المنطقة وخاصة اصحاب الابل انه ربما لايوجد بالجزيرة العربية افضل من الخنفة للابل .
حتى انه هناك روايات ان الناقة التي ترعى في مراعي الخنفة حتى وهي حوارة ترضع امها اذا ضاعة من صاحبها من مناطق بعيدة عن الخنفة تذهب للخنفة وهذا يدل على ان الخنفة سحر للابل .
وهي تنبت جميع انواع الحشايش والنباتات وخاصة اشجار الحمض المحبب للابل
والان فقد وضعتها الدولة رعاها الله وضعتها محمية وهي مملوكة للجعافرة في صك شرعي موجود عند العواجي
وكان عايد بن ضافي بن جلوي الجعفري العنزي وصفها وتمنى لها السيل في هذه الابيات

يلي رقيت بـــــنابيات المشــــاريف = قبلك رقيـــــت بروسهن واتـــــعبنّي
حمر الهضاب النابيات المــــــــشانيف = اللي بـــــهن ســــحم الذيابه عونّي
تجــــــــاوبا بأرض بها الزول ماشيف = وستـــغــلثن يوم الد يـــــــارامحلنّي
عسى الــــــــمزون اللي تقافا مراديف = يســقن نـــــدف نيــــال ماجــــنبنّي
وليا اقبل عليـــــــهم برقها له رفاريف = صـكن على فوقــــــيه ثم ارعدنـــّـي
سيله يجعف قوع الأشــــــجار تجعيف = ياما نحف عن قوعــــهــن وارتكنّي
شال الغضا اللي نابــــــــت بالاطاريف = ركب على روس الـــندف واتــــقنّي
وفج الطــــــعوس وذرف القاع تذريف = خبرا الطرودي والـــهبوج امتـــلنّي
وعروس تزمي كــــنها شاطي السيف = ها بنــــها القــــطعان لا يـــــشربنّي
من مدلهن كــــــنه اللـــــــيل ياشيف = الــــبرق يلــــــــعج والرعد ما يونـّي
يسقي طفيحا والغـــــــوار المكاهيف = ارجـــــعلها يوم الديـــار ارجـــــعنـّي
ليا ربعت ماتنوصـــــف بالتواصيف = لـــو أتمـــــنى ماتـــــجي بالتمـــنـّي
تلقى بها عجف العشاير مشـــاعيف = حــــــلايب الخــــــطار لـــيا روحـنّي
تلقى الجوازي يوم الاقــفار والريف = هن والمها بحـــــزومها يرتـــــــعنّي
والعين هلت من دمـوعي ذواريف = تبكي على ما فـات والقـــلب حــــنّي
حنـــــين ذودٍ للمــــدوه مواليـــــــف = سمعن لهن صـــــوتٍ بـــعيد يغــــنّي
عز الله إني مثــلهن بالــتواصـــــيف = ياروحن عقب العــشاء واعــــولنّي
هذي مناتي لوتجــلى على الكـيف = وعزي لمن رغبـــات قــــلبه تمـــنّي

وقد وصف الفدعان والسبعة ( ضنا عبيد)

طرى علي شلعت النجــــع بالصيف = يـــوم الضــــــعون بوجهن غــربنّي
ياما توطّن فيــضة الهـــــجم وطريف = صـــوب الحزوم اللي شمالً زمنّي
ديار الجلاس بوجهن بالمذاريف = فاتن وسيع اديارهم واشملنّي
(تنحرن ديرة ضنا عبيد بالصيف ) = يازين صوت خيولهم يأرهمني
ساقوا الضعن بالرمح والشلف والسيف = ( وبالشــط يامـا ضعونهم شرعــنّي)

ثم ابن مهيد شيخ الفدعان حمران النواظر ولايهونون مطير التي خضعت له سوريا ودفعت الاخاوة له لا اعتقد ان احد يقدر ان يمنعه عن مايريد فهو يرعى حتى حدود تركيا ولم يجد من منافس له الا من ابناء عمومته الشعلان

حتى بلاد الروم دوجنا بصعيده = نخترقها والهنادي واسطتنا
نتعب الزرفات في كثرة فديده = وين ما يوجد مكان الريف بتنا
والحمى نقطف اثماره مع حصيده = ونرتع بروض الفياض الى اعجبتنا
والمعادي ما يخوفنا وعيده = حيث حالفنا السيوف وحالفتنا
وأن بدا صوت الفشق يزجر رعيده = خصمنا ما زلزل البيداء تحتنا
ترتعد منا الشايطين المريده = وندعس حضوف الافاعي ما قرصتنا
ومن بغا يجحد مفاخرنا التليده =(الخبر عند الرجال اللي أعرفتنا)
(والملوك الغر صافين الحديده = غصنهم ساسه من أجذوع أشجرتنا)

اخوي برزان ونعم في قبيلة شمر الطنايا
لكن وانا اخوك اذا تبحث عن مفاخر لقبيلتك اترك عنزة لاصالح لك من ذالك