[السميــــــري]

مساكم خير ..

أبيات بين أيديكم وتحت ذائقتكم ... أتمنى تنال البعض من الاستحسان ...

الكون لو ضاقت عليه فجوجه = لابد ما ألقى لي على ضيقته فج
والبحر لو يزبد ويغتاظ موجه = ترسي عليه الفلك من حيث ماهج
يافكري اللي ممتلاتٍ دروجه = إن صك لي درجٍ فتح لي مية درج
واللي بلا عقلٍ.. يقلل هروجه = لا يتضح عقله ليا كثّر الهرج
كم لقمةٍ في وسط فمه معلوجه = يمضغ لها اللحيين لو دمها حرج
اللي على عاره يزّين سروجه = لا يحسبنه زاينٍ فوقه السرج
راس الجمل ماشاف فالعنق عوجه = واللي فقد حجته وش لون يحتج ؟
اللي كما الرادوا على كل موجه = ماله مع العربان مذهب ومنهج ..!
هذا .. مع الأيام تقطع بروجه = ولا عاد يستقبل ولا يرسل البرج
مايدري انه مدخله هو خروجه = ياشارب المره تبي تمجها مج
بطن الفضاء محدن حسبها بروجه = ولحدن برجله للفضاء سجها سج !
مادام نفسك في حياتك خلوجه = وش بك تفتّح عينك إن هبها عج ؟!!

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع