[خيال الصفرا]

المشاركة الأصلية كتبت بواسطة هاجس الشعر

ياخوان انا عندي سؤال
قصيدة ساجر الرفدي فيها بيت
يقول=دارن بها بودان يامر وينها اليوم ما يسكنبها كل مسخور
والمفصود بوبدان هو وبدان ابو ثنين السبيعي
ولكن مالقيته بالقصيده اللي وضعتوها
هل هو في القصيده الا ساسيه ام مظاف عليها ارجو التوضيح من عزيز قوم وبقية الاخوان

قصيدة ساجر اخوي لايوجد بها هذا البيت القصيدة معروفة



وترى وانا اخوك اليوم تزيييف القصايد لحساب التاريخ اصبح امر مستهلك ،
لا المعاني معاني صحيحة ، والا الطرق طرق الاولين فقط محاولة تقليد اضافة الى الكسر بالقصيدة
لن يدرك ذلك ي شخص مالم يكن شاعر
والقصيدة التاليه التي ماطلعت الا تو ، مايدرى وينه من قبل
منين جت الله اعلم ،،
ياركب اللي راكبه ما محنها ..... حمرا شناح الكوع ما يزحم الزور
تلفي لساجر شوق رادع وجنها ..... ياشوق من قرنه على المتن منثور
هوليه يا ساجر تنحّيت عنها..... أقفيت عنها نايرٍ(ن) تقل مذعور
جّزوك عنها اللي وساع (ن) طعنها ..... عيال الطنايا هادمه كل طابور
يوم أن عبدالله بكّفه مكنها ..... غدولها عيال الطنايا تقل سور
نجد لنا ما نعطيه في ثمنها ..... وعن ما يبيها عندها دايم حضور
نرخص عمار(ن) غاليه من جهنها ..... ولا نعطيه لو لحقنا عندها جور
نجد(ن) حموها زوبع (ن) مع يمنها .... عيال الرجال مطوعت كل مسطور
يوم أن عبدالله ولاها ضمنها ..... خلا ّ هله بافراح وسعود وسرور

ولا نعطيه لو لحقنا عندها جور

الشطر مكسور وبامكان سؤال اي شاعر هنا

طبعا لهجة شمر تختلف عن عنزة فهم يحذفون الالف في التانيث

مثل نعطيها يقولون نعطيه بفتح الياء وتسكين الهاء
وقس على ذلك باقي الامور

فاي شاعر يقرا البيت من ابناء عتيبه او اي قبيلة اخرى فليضع بالحسبان هذه النقطة حتى يقرا البيت صح
الامر الاخر القصيدة ملفقه لم نسمع بها من قبل
اذا كان عبيد الرشيد الشاعر المعروف الذي قصد في اغلب امور حياته وربما البسيطه كيف لم يصف طردة ساجر اان كان فعل
والعله في ذلك انه من الصعب التزوير على لسان عبيد فعبيد معروفه قصائدة التي قالها
اما هذه لفقت على لسان اللي يقولون ،،


وليس هذا فقط التزوير واجد ،،، اضافه الى الكسر السابق بالقصيدة
في احد منتديات شمر

اسمعوا النكته الجديدة :

المشاركة الأصلية كتبت بواسطة مشعل الغفيلي

ساجر الرفدي من فرسان عنزه فارس لايشق له غبار
ومن اشجع اهل نجد وقبل يقولون كان مدعاه
يامن الواحد ابغض له عرب قال ياعلكم بساجر
عاش بداية حياته "بالشملي" قريه من قرايا حايل

ولكنه جلى الى الشمال وترك حايل.

فالسبب ورى رحيله
ان المعروف عن ساجر ان اكثر مغازيه كانت على مطير

ولكن بتالي وقته انقرد وقام يناحي الرشيد ويتحدى الامير/عبيد الرشيد

من ضمن ماقال يتحدى عبيد



طلال قل لعبيـد بينـك وبينـه
شلون يامن والعمارات عمـار
شلون تقبل لـذة النـوم عينـه
ووراه ربع مايهابون الاخطـار
من باب بغداد اليا باب المدينـه
يلقى بني وايل على الكود صبار



وصلت القصيده لعبيد وحطه بقلبه

مرت الايام وصادف ان شمر كله غزت مع عبيد ولابقي بحايل
الا ربوع قليله
وهو يغزي عليهم ساجر وياخذ حلال شمر ويقفي به

يوم رجع عبيد قال:وانا اخو نوره وين حلال شمر
قالوا: اقفى به ساجر

قال عبيد:جيبو لي اخبار ساجر وينهو نازل
قالوا اللي عنده: يذكرونه نازلن على "ذباذب"
قال:وينهي ذباذب هذي
قالوا:بالشمال

قال عبيد:يالله ياشمر ترونا غزو

ويركبون يوم وصلوا ذباذب ويلقون به اكالصلبي مع غنمه
قال عبيد:وينهو ساجر
قال الصلبي:رحل له ستة ايام
الوكاد ويعلمهم الصلبي بوجهة ساجر

ويلحقونه شمر دون العراق وتصير بينهم معركه وينكسر به ساجر وينحاش
ويستردون شمر حلالهم وياخذون حلال عنزه وبيت ساجر


من ضمن ماقاله عقب هالاحداث:



الله مـن عيـن تزايـد حزنهـاوالقلب من صكات الايام مسمور
من شوفتي داري تغيـر وطنهـامن عقب ماني داله القلب مسرور
دنولي الحمـرا ومـدوا رسنهـاوهاتوا ذلولي وانسفوا فوقها الكور
ياما حلا المسلاف باول ضعنهـامستجنبين الخيل يبرا لهن خـور
يومن انها نجد وانامـن سكنهـاواليوم مايسكن بها كـل ممـرور
شامت "لاخو نوره" واناشمت عنهااللي يصبح به على فجـة النـور
وانا احمد اللي فكني من شطنهـاومكيف مابين عرعر وابا القـور

شوفوا هذا محرفه واحد اسمه مشعل الغفيلي
ومن زين السالفه وش يقول ساجر مرسل قصيدة

نسي ذروات ونسي امور واجد واذا كان عبيد على قولته غزا ساجر واخذ حلال عنزة وبيته (قوية بالحيل ) لا وبالشمال

يعني كيف يطرد ساجر من الشمال وساجر يقول يوم انها نجد
صار الشمال من نجد ،

ماعرفنا والله الحين هو عبيد والا عبدالله
المشكله محرف البيت صار اخو نورة بدل عبدالله
وحاطها بين علامتي تنصيص
مثل قولة ترى هذا اللي انا حرفته ، كاد المريب ان يقول خذوني
علم روحه الرجال ، لاحول ولا قوة الا بالله ...والله ناس ماتعرف الحق ..



اعوذ بالله لحقة دون العراق ،،، ماصارت نجد

وشي نجد هذي اللي حدها عند العراق ويوم جلى عبيد ساجر وين غدا ،،مايمدية يمكن جلاه لروسيا
والا اوروربا



يالله دخيلك .....

آخر تعديل خيال الصفرا يوم 17-Sep-2008 في 08:25 PM.