قادح شرار
يا سلام الله سلام ٍ فهالشهر الفضيل = ردة ٍ يا المرشدي جعلكم توحونها
جاك قافي بالعوض .. يا عسى عمرك طويل = والسوالف دققوا وأعرفوا مضمونها
ناصر المرشدي
مرحبا ترحيبةِ وزنها وزنٍ ثقيل=بالوفاء مع ثقلها ماشيها طبلونها
بان نجم الجدي شعشع بنورك ياسهيل=العرب تنضر نجوم السماء بعيونها
قادح شرار
يا عسى فيك البقا عد همال المخيل = والمراجل دونها الذيب يعوي دونها
السوالف قادمة بين عدل وبين ميل = والصدور تبيح ما يحفظه مكنونها
ناصر المرشدي
مابقى للادمي فالحياة الاالجميل=لو مغير بيوته الطيبه ولحونها
لو سكتنا ماعرفنا الكثير من القليل=كم نفوس تموت من غيضها بغبونها
قادح شرار
ما لقينا منك يالمرشدي حبة ..حصيل = ليت مرزوق العتيبي يراجع لونها
يا عسى وبل المطر وسط واديكم يسيل = دام بعض الناس ما تلتزم قانونها
ناصر المرشدي
ليه ماعلمتنا مادرينا يالزميل=كل نفس بحاجة اهل الكرم يعطونها
مغتني عن دعوةِ بين عدل وبين ميل=بعد طاحت جمرة القوم عن غليونها