صاهد الشيباني
يامرحبا ميـة علـى ميـة=لاهل الوفا والطيب منصيـة
طـرقٍ مجالـه للشقرديـة=واطلق شنب مشروب فنجاله
من يرا قدرته قـد المقـام=شاربه يفتلـه ويقـول انـا
من سعى ماجهل باب السلام=والذي حج لبى فـي منـى
احمد الزايدي
دام البقا والنـار مشبوبـه=والطيب وأهله نعرف أدروبه
والمخطي الله يغفر ذنوبـه=وأطلق شنب مشروب فنجاله
أتشـرف ودايـم فالأمـام=واخصم الخصم ويجيه العنا
من سعى يدعي الله لاينام=واكثر الناس ماهو همنـى
صاهد الشيباني
يالزايدي خل الحواس الخمس=متحضرة في ظل ولاشمـس
اليوم باقي والذي فات امس=واطلق شنب مشروب فنجاله
خل سيري وسيرك فالظلام=مانبا شلةٍ تسـري مّعنـا
صوروها وكبرت بالكـلام=بالنظر شرع تفسد صومنا
احمد الزايدي
الليل ساري والشغل حامـي=وأباك تمشـي دوم قدامـي
وأبا الهدف ياالأجودي سامي=وأطلق شنب مشروب فنجاله
متجه شرق ولا رحت شام=ياعسى أنك تعرف اتدلنـا
لبسوها ياربعي ثوب خـام=ثوب ماهو بمثـل أهدومنـا
صاهد الشيباني
الفرد يا احمد ضبط عيـاره=والرمي خله صوب للشـارة
وان صبتها لك مني بشـارة=واطلق شنب مشروب فنجاله
لاتلفت على خال وعمام=والنظـر لاتلـده يمنـا
اتهيض لشعر ابن وسام=والنذل دعوتي له بالفنـا
احمد الزايدي
الفرد لن صاب الهدف صابه=والخيل أنا الفارس وركابـه
وماكل من ودى الخبر جابه=واطلق شنب مشروب فنجاله
لاتقرب ترى قدمك حسام=واحترص لاتفـور دمنـا
ماتبا تسلم أنت من الهوام=وأعتقد موتك أنته قد دنا
صاهد الشيباني
معاد بـه شـارة ولارميـا=من يوم صار الرمي للعميا
البير مابـه جـم يالضميـا=واطلق شنب مشروب فنجاله
قالو الضرب فالميت حرام=ماله إلا كفن مـن خامنـا
لاذن الفجر جا وقت الصيام=والله اللي يغفـر اذنوبنـا