خــالد الحربي
يا سلام الله عدد ما لاح برّاق المخايل= من هجوسٍ تبدع القيفان و النية مطية
وأنت يالعمدة تولّم و أحتزم و الشك زايل= قدمك الميدان يا حميدان والنية مطية
العمــــــدة
مرحبا في منتدى ربعً يعنون الاصايل=تاج راسي ربعي العتبان والنية مطية
ما نويت اقدح براس الزند في خشم الفتايل=لين اشوف البيت ابو عمدان والنيه مطيه
خــالد الحربي
البقا وأنته مع أهل الطيب و عيال الحمايل= والرعية دونها الرعيان و النية مطية
خابرينك محتسينك فالخفايف و الثقايل= مير لا ترمي بلا نيشان و النية مطية
العمــــــدة
فات يوم وليل ماجانا من الحربي رسايل=طالبينك يالله العقلان والنية مطية
حث سمحه وان بحلت الدرب خلّه للدلايل=مالك الا تاصل العنوان والنية مطية
خــالد الحربي
والله إني دون ميقافي وأعدّل كل مايل=وأنت وينك يا أبرق الجنحان و النية مطية
الأوايل مالها ألاّ من يعشقون الأوايل= لا تدينها ولا تندان و النية مطية
العمــــــدة
الحكي لو طال لا يمكن يجي مثل الفعايل=كل لــــيل اصطاد فالغزلان والنية مطية
ماش رمي الا لصيد ولاش لطم الا لعايل=وانت لاجني ولا انسان والنية مطية
خــالد الحربي
ما يزل الدرب رجالٍ يـعـوّد للدلايل= ويش تبا بمصادم الضلعان و النية مطية
أنته أخلفت المسيرة ليش يا راع الجمايل= رحت مثل العود أبو دخان و النية مطية