يـا حمـود مـا نعطـي دخيـل نصـانـا = لـو جمعـوا كــل العسـاكـر والاروام
دخيلـنـا عــن نصـرتـه مــا انتـوانـا = نحميـه لــو يطـلـب بـثـارات حـكـام
عيـت علـى الشيمـة سواعـد لحـانـا = ودخيـلـنـا مـاهــو دخـيــل لـسـطــام
نـكـوي المـعـادي كـيـة وان كـوانــا = كـي يجـي مـن بـسـرة القـلـب قــدام
حـنـا عــذاب الـلـي تـوطــا رشـانــا = دام الـلـيـالـي مـقــبــلات والايـــــام
وحـنـا الـيـا سـرنــا بـعـيـد مـعـدانـا = وحنـا الـذي مـن نطلبـه حـق مانـام
نـبـي الحـرايـب والحـرايـب مـنـانـا = وش عاد لو جابوا لنا عسكر الشام
يا بعـد عـن ضيـم الرجـال قصرانـا = مـا ننثنـي لـو يطلـب الـجـار حـكـام
أولاد وايـــــل مـرهـبـيــن اعــدانـــا = نعفي الضعيـف وللخصيميـن ظـلام
--------------------------------------------------------------------------------------
يا شلاش قلبـك لايصيبـه وشاويـش = حـنـا هـــل الـعــادات كـــان ابتلـيـنـا
يا شلاش ما نعطيك حمر الطرابيش = لــو جمـعـوا كــل العـسـاكـر علـيـنـا
وش عذرنا من أم الثنايا المباهيش = غــروٍ يـزيـن مــرود الـكـحـل عـيـنـا
دونك نسوق المال والخيل والجيش = وأن لزموا يـا شـلاش نرهـن حدينـا
إخوان عذرا ما بنـا سيـس وكديـش = يـرجـع معـيـف وخـاسـر مــن يبيـنـا
حنـا الــي سـرنـا بـعـاد المطـاريـش = حاميـن مـن النقـره الـى حــد سيـنـا
مركاضنا يشبع بهـا نافـض الريـش = نرهـب اعدانـا كـان صـوبـه مشيـنـا
وان طار ستر منقضـات العكاريـش = عـدونــا لـــو كـــان قــاســي يـلـيـنـا
وحنـا عـذاب اللـي يـدور التبالـيـش = يــامــا تـسـلـطـنـا ويــامـــا عـفـيـنــا
ونعم بالشيخ الفارس محمد ابن دوخي ابن سمير رحمة الله عليه
هو شيخ وفارس وشاعر بنفس الوقت من منا مايعرف (حريب الدول)
الشيخ محمد ابن دوخي ابن سمير0
الله يعطيك الف عافيه اخي العزيز خيال الصفرا
على ذكر قصة وقصايد الشيخ محمد ابن سمير
فهو يستحق منا اكثر من ذلك
على العموم انت ماقصرت بيض الله وجهك
تقبل تحياتي واحترامي