[ناصر العصيمي]

(الحلقة الثالثة)

دردشة رمضانية موضوع يومي خلال شهر رمضان المبارك نستضيف من خلاله احد الشخصيات في منتدانا لنبحر معه في دردشة خفيفة وضيفنا اليوم هو/ العضو المبدع مقرن العتيبي

س1/ باختصار من أنت ؟
(أنا الفقير الى الله
مقرن بن عبدالرحمن العتيبي)

س2/ برنامجك اليوم في رمضان كيف يكون ؟

(أصلي الفجر ثم أدخل النت وأكلم أهلي ثم أروح للجامعه وأدرس وأستغل فترة الاستراحة في القران في مسجد الجامعة ثم ارجع الساعة 4ونص غالبا واصلح الفطور ثم افطر واروح اصلي التراويح ثم ارجع وادخل النت ثم ارقد وقبل الفجر اقوم للسحور
باختصاااااااااااااااااااااااااااااااااااار شديد
طبعا مثل ما انتم شيفي ترا النهار فالديرة اللي انا فيها قصير مرة حوالي 11 ساعة فما معنا وقت ابد)

س3/ثلاث دعوات إفطار لمن توجهها ؟

والله لو يحصل خليتها للوالد والوالدة يا اما اروح لهم والا يجون لي

س4/من هو الشخص الذي تتذكره خلال شهر رمضان ؟

عمي أحمد الله يغفر له ويرحمه

س5/ اول مره صمت فيها هل تتذكرها وكم كان عمرك وقتها ؟

الظاهر رابع ثالث وصوم الله بالخير
لاني اخدش على الخفيف وانا صايم مثل السندويشة والبسكوت ومن هالشلة ما يفطر
ومن الطوع اصوم الست بعد!!!!
الى ان وصلت خامس وبديت اصوم الصوم اللي عليه العلم


س6/ لماذا الكل يجمع على أن رمضان قديما كان الاجمل ؟
والله انا ما فرق معي لا قديم ولا اللحين(وجهة نظري)

س7/ هل جربت الصوم خارج وطنك؟
اللحين وانا اكتب هالكلام
انا في استراليا وعلى فكرة الساعه عند اهلي بالسعودية 9 الصبح وعندنا 4 العصر
يعني الفطور قبلكم


س8 /وانت واقف وفي الزحمه واذان المغرب ..ماهو شعورك ؟

يا ما مرت وعاااااااااااااااااااااااااااااااااااااااااااااااد ي ابد
الان اطلع من البيت ومعي بالشنطة 3 تمرات لان بعض المرات يجي وقت الفطور وانا ما ني فالبيت

س9/ ماهي افضل قناه تشاهدها في رمضان ؟
ما عندنا بث قنوات عربية

س10/احتياجات المنزل هل تقضيها بنفسك ؟
والله يوم رحت برا السعودية غصب علي اقضي بنفسي
لكن بالسعودية اخواني الله يحفظهم وابوي وانا على الخفيف

س11/ هل تتوقع رمضان هذه السنة 29أم 30يوماً؟
غيب وعلمه عند الله
لانها ما تفرق معي صار العيد الثلوث والا الربوع عندي دراسة ما فيه اجازة
عسى الامور تعدي على خير

س12/ كلمة اخيرة لمين توجهها ؟؟
والله اوجهها للي جالسين بديارهم ويفطرون مع اهلهم ترا هذي نعمه كبر السماء
اشكروا الله عليها