[القادم بقوة]

المشاركة الأصلية كتبت بواسطة محمد بن غازي

الحمد لله رب العالمين والصلاة والسلام على أشرف الأنبياء والمرسلين سيدنا محمد وعلى آله وصحبه أجمعين ... الأخوه الأعزاء أعضاء منتديات الهيلا الشامخه نبارك لكم حلول الشهر الكريم أعاده الله علينا وعليكم باليمن والخير والبركات

الله يباركـ بعمركـ
ونسأل الله أن يتقبل منا ومنكم

المشاركة الأصلية كتبت بواسطة محمد بن غازي

1/تهنئه شخصيه .

والله التهنئة على المستوى الأول أرسلها للوالدين
لأني ما شفتهم من ثلاث شهور
ولا أحس بطعم رمضان بدون الجماعة والله
وثانيا التهنئة لجميع أفراع قبيلتي العزيزة أسأل الله أن يتقبل منا ومنكم

المشاركة الأصلية كتبت بواسطة محمد بن غازي

2/ حديث عن ذكرى معينه مرتبطه بهذا الشهر.

هي ذكرى أول يوم صمته وكنت وقتها في رابع ابتدائي

المشاركة الأصلية كتبت بواسطة محمد بن غازي

3/ شخصيه تعود بك الذاكره إليها كلما حلت هذه المناسبه العزيزه على كل مسلم .

والله لي 4 سنوات كل ما مر رمضان يجي على خاطري عمي أحمد الله يرحمه ويغفر له ويسكنه الجنة لأنه راح معنا لمكة وكان إنسان لطييييييييييييييييييييييف بشوش بالرغم من كبر سنه الله يرحمه



/ قصه وحادثه حدثت في هذا الشهر الفضيل .....

هي سالفة صومي (ولأول سنة) خارج البلاد
لارتباطي بالدراسة في استراليا الله يعينني عليها
والصراحة اي رمضان ما له طعم ليش؟؟
* تمشي بالشارع ما حولك الا بهم تدخن وتاكل ما يدرون وش الدين.
* تجي صلاة التراويح ما عندك الا مسجدين بس تقدر تصلي بهم
مهو مثل ديارنا عندك 70 مسجد اي واحد تقدر تصلي فيه
* فارق التوقيت (حنا سابقين السعودية بـ 7 ساعات) فيجبرني هذا الفارق على الاستيقاظ بدري الصبح حتى اكلم اهلي ثم ارجع ارقد
* نهاهم قصير (هذي زينه للجوع) لكن ما معك وقت تقرا قرآن
******* انتم اليوم تفطرون على تمر خراف وبلح جديد حق السنة هذي وحنا نفطر على تمر 1428 المكنوز لأن الرطب ممنوع يدخل ديرتنا (ترى هذي قاهرتني يبا يخلص الموسم ما ذقت الرطبة)



5/ برنامجك اليومي ...

اتسحر ثم اكلم الاهل ثم ارقد ثم اقوم للجامعة ثم اذا رجعت افطر ثم اصلي التراويح ثم ارجع اطبخ العشا ثم اتعشى وادخل النت ثم ارقد



/ عاده رمضانيه تحرص عليها ....

والله يوم كنت فالسعودية العادة هي اني كل يوم اصلي بمسجد التراويح واسمع الصوت الزين والجماعة الكثيرة
اما عندي ما فيه الا مسجدين واحد يصلي 20 ركعة (تقول الحرم) ــ صليت معه مرة وحدة وعليها ــ والثاني يصلي 10 ركعات
وكلهم الصوت حيا الله


/ أكله رمضانيه ....


ما جا من الله حياه الله
لكن الظاهر ان شوربة اللحم ما نفقدها ابد


8/ مشروع تحلم بتحقيقه في هذا الشهر الكريم ...

مشروعي أعيد مع أهلي لكن هالمشروع من سابع المستحيلات يتحقق
عجزت أطلب اجازة لكن ماش
الظاهر ان العيد عند هالخواجات
والا ودنا نعيد مع الاهل
وناكل العيد بعد الصلاة مع عيال العم والقرايب
ونسلم على خوالي وعيال عمي
لكن هيهات