[الفراتي]

شكرا لك اخوي خيال الصفرا ولاهنت يالغالي .

اما لتواجد العمارات في نجد ياخيال الصفرا ..

فكان بعد سنة 1249هـ مثل ماقلت رحلوا الهذال والحبلان ربعه الادنين من نجد .

اما الدهامشه والصقور فـ بقوا في نجد الى عام 1277هـ . وهذه آخر تواجد للعمارات في نجد .

اما اخوي سلطان عايض قصد يوم العمارات بنجد وين ديارهم .

فأنا اجاوبه عن اخوي خيال الصفرا . من بعد اذنه

الذي كان من عنزة في نجد .... الدهامشه والجبل فقط ...

يعني مايجي 10% من قبيلة عنزة .. الجبل شيخهم ابن هذال .

والدهامشه شيخهم ابن مجلاد .... وكانت ديارهم ..

من الحناكيه والعطن في غرب نجد ... الى الشماسيه والبرجسيه شرق بريده .

والهذال كانوا مسيطرين على وادي الرمه وابانات والرشا بالقصيم قبل رحيلهم ..

لانه قال محمد التويجري من حاضرة عنزة .. حينما رحلوا الهذال شمال ..

نجدٍ تهضّم بالبكا يالعمارات=ترجي الفزع من سربة اولاد وايل
وادي الرشا ينخى وينعى بالاصوات=يهل دمعٍ مثل وبل المخايل
دقاق العلابي مايجون المشيشات=ودخنه لابن هذال صدق وصمايل
وبني السفر ماتنذكر حول ابانات=والشمري بجبال سلمى وحايل
قاعد بوسط القبر سوا الهــــــوالات=من نزلت الأجناب شاف الهوايـــــل
ان ماحميتوا داركم سوقوا الشات=يسوقها اللي خاف من كل عايل

دقاق العلابي من مطير
بني السفر من حرب

والعواجيه شيوخ ولد سليمان وولد سليمان لحد الان وهم في ديارهم
في نجد غرب حايل 100 كلم الى تيماء وشمال الى مرتع الخنفه وحدود الجوف .

آخر تعديل الفراتي يوم 10-Sep-2008 في 08:45 PM.