برزان انت وش محرق ٍ رزك عاد هو عنزي والا ماهو عنزي
اول شي ياطويل العمر والسلامه ال سعود من عنزة رضيت والا زعلت
من المصاليخ من المنابهه من وهب من ضنا مسلم من عنزة
ان جاز لك والا ماجاز لك
انت اللي حارق قلبك انهم من عنزة ، هلودعك تبي تثبت انهم من بني حنيفة
والنسب ياطوبل العمر ماهو حكي ورعان النسب يثبت بالتواتر
الادلة قدام عينك بس انت منعمي عنها
والواحد لاشتهى يقلب الشي يقلبه حتى الكلام الزين يمكن تفسيره انه شين لابغى احد يفسره
فانت مشان هالامر تبي تحطهم غصب من بني حنيفه
اول الادلة قول ابناخيك
عبيد الرشيد يوم يقول :
عيّوا على ربعي برد المكاتيب = ربع ٍ قدايمهم بنسب المصاليخ
وايضا قول حدا الرشيد ولا ادري ان كان عبيد يوم يقول
حنا الضياغم واصلنا بقحطاني = وانتم بني وايل صدق بلا ظن
هذا حسب قول ربوعك
ااما الدليل الثاني
لنـا بخيبـر(2 ) غارسـات مـا مثلـهـا=عليـهـا مــن شـغـل العبـيـد أصـنـاف
ولـنـا بيـتـاً بالفـقـرة شـمــال الـنـخـل=ومسجد اللي صـار الكشـاف يشـاف
ولنا مرتع الناقة والحفـرة وماحـوت=ولنا القليب اللـي بخشـم ارواف (3)
خمسيـن قـامـة حفـرتـه قـبـل ينـهـدم=عليـه مـن خــط المـحـوص أهــداف
خليت ابن ملحم (4) وسافرت للحسا=أشــوف فــي نـجـد عليـهـا إجـحـاف
سافـرت أنـا ومـعـي رجــال تعـدهـم=ابـن ثـنـا والعـيـد وابــن عـيـاف (5)
أمــا حميـنـا نـجـد بالـسـيـف والـقـنـا=وإلا عفنـاهـا وغـيـرنـا مـــن عـــاف
(1) سعود بن محمد بن مقرن بن مرخان تولى الدرعيه عام 1119هـ أي القرن الحادي عشر الهجري وهو نفس القرن الذي نزحت به المنابهه بقيادة الشيخ ابن ملحم وآل سعود تواجدهم في الدرعية منذ عام 850 وهذا يدل على ان علاقتهم لم تنقطع بمنشأهم وابناء عمومتهم ورحل معه قسم من ابناء عمومته وايضا ذكر ابن عبار في كتابه اصدق الدلائل ان هناك خلق كثير رحلوا للاحساء والقصيم ومناطق اخرى وعدون اليوم من حاضرة عنزة الذين استطونوا القرى وتركوا حياة الترحال .
(2) خيبر منذ القدم و حتى الآن تسكنها قبيلة عنزة . ولا يقاسمونهم بها ألا عبيدهم الذي أطلق عليهم فيما بعد لقب الخيابره .. يقول صاحب البلدان عن خيبر ( هي بلده عنزة استوطنتها بعد غطفان واليهود ) وجاء في كتاب (تحفة المحبين والأصحاب في معرفة ما للمدنيين من الأنساب) للأنصاري مانصه التالي :
( بيت الخيبري ) نسبة إلى خيبر، بلدة قديمة مشهورة. وإليها ينسب كثير بالمدينة المنورة. وحرفتهم حفر الآبار وضرب اللبن. ويقال: إن أصلهم من يهود خيبر الذين أجلاهم النبي -صلى الله عليه وسلم- من المدينة. وقيل: إنهم مواليد لعبيد عنزة؛ لأن خيبر أملاك لهم إلى اليوم. ويحضرون فيها أيام الصيف مقدار عشرين يوماً ويجذونها قبل استواء ثمارها. وهذا دأبهم في كل عام"
(3) رواف جبل في أعالي نجد يلتقي في اقرب نقطه مع شمال الحجاز واقرب له منطقه الجهراء الحديثة وهو يقع بالمثلث بين خيبر وتيماء والشملي ويقع الجبل على اليمين باتجاه الشمال وللمسافر في وقتنا الحالي الذاهب للشام وهو ات ٍ من طريق الرياض القصيم حائل تبوك
(4) ابن ملحم هو شيخ عموم المنابهه عامه والمصاليخ أحدا بطون المنابهه
(5)ابن ثنا والعيد والعياف هم ابناء عمومه لسعود وهاجروا معه للإحساء
عاد شف وانا اخوك هذا الكلام الصحيح واللي يجمد على الشارب
ان جاز لك هالكلام والا ماجاز لك
اقتنعت والا مااقتنعت هذا شي راجع لك
هي حقيقة قبلتها والا ماقبلتها
انت هالحين ابلشتنا بقول سلمان مع اني ماسمعته ولو فرضنا انه قاله هل يغير من الحقيقة شي
هذا امر
الامر الثاني ليه تستدل بقول سلمان وتغض النظر عن قول خالد الفيصل وعن قول ابن رشيد وغيره
يوم يقول خالد الفيصل
يالسعودي يالصباحي لاعتزيت %%% عزوتــك عــنــــّاز راع الطايلات
هي المسألة مهي مسألة عناد تاخذ اللي يجوز لك واللي مايجوز لك تتركه ،
ترى حتى اليهود والنصارى يدرون ن الاسلام هو الدين الحق بس مايبونه حقدا وتكبرا
تحيتي