مرجح الميزان
يامرحبا ياهلا .. برباط مربوطه=ورباطها يارجال العرف مطاطي
حروف ما نقطت وحروف منقوطه..!!=حضر هنا ,, واستلم ياشاعر رهاطي
حبيٌب الزراقي
دام البقى والسوالف معك مضبوطه = يالصاحب الي ربطت العلم برباطي
انا معك دام نفسي معك مبسوطه = في غبة البحر ولا ساحل الشاطي
مرجح الميزان
لا شفت لك مرحبا فالدرب مشروطه=حذرا تولع علاها نورك الواطي
صبرك شويه تصير النفس مضغوطه=ويصير لك مع عيال شهار مقلاطي..!1
حبيٌب الزراقي
ترحيبتك ياطويل العمر مخلوطه = وانا معك ياطويل العمر محتاطي
ياصاحبي هيبت الجلاد من سوطه = والجلد من لسعته يطلع له شياطي
مرجح الميزان
لو راعي أسيوط يجهل حالة أسيوطه=ما يعترف لو يجيك بعلمه الخاطي
فتش وتلقى جنوبك منه مشروطه=وش تعتقد وانت جندي بين ظباطي..؟!
حبيٌب الزراقي
بعض المفاهيم يارجٌال مغلوطه = العرف تلقاه مع زرٌاق ومقاطي
لو كان جنبك محمري كنٌه القوطه = اخير من جرح غاير مابعد خاطي
مرجح الميزان
لا تحصر العرف بين اثنين وتحوطه=كل"ن" بعرفه من الخرخير للغاطي
القوطه اللي على الصدام محطوطه=مع جارك اللي يعد الضلع بفراطي
حبيٌب الزراقي
الوضع دايم كذا والناس مفروطه = خلك مع الناس يامرجح دمقراطي
ياخاتمت خير قاف ٍ زان مخطوطه = الصدر طوطه وعجز ابياتكم طاطي