وانتـم مطيـر مسجلينـن بديـوان = من ضمن من ياخذ عن اصله هويه
لا عندكـم زوده ولا فيـه نقصـان = من ضمـن سكـان البـلاد العذيـه
امنٍ وامان وخازيـن كـل شيطـان = وكل العلـوم المرمسـات مغطيـه
مير البعض منكم معه طولت لسـان = صدورهم بـأردى الكـلام محشيـه
ياللـي تكلـم بامتلاكـك للاوطـان = وتمغط حدودك من ورى العاذريـه
من راس مالك كثرة الحكي خسران = لو حط له فـي كـل جـون هبيـه
يوم المزاحم عند حلـوات الالبـان = والصلـب والصمـان والجندلـيـه
يوم اختلـط عـج السبيـا بدخـان = غادرتـو الديـره بنفسـن رضيـه
جلع ضعنكم مثل طيـرن بجنحـان = سرى بتالـي الليـل تسمـع حتيـه
عنها تحدتكـم كراديـس عجمـان = وعن النهـار اخترتـو الخرمسيـه
بالليـل غادرتوامنـازل فنيـسـان = صارت مساري الليل فيكـم سجيـه
واصبح مجزل عندكم تقـل بستـان = وطويق وخشوم الضواحـي حجيـه
وراكان طرشلـه رسالـه لسلطـان = يقـول خليـت الطـوال الـرويـه
خليت عشب الصلب يومي بالاردان = وحنـا تولينـا علـيـه العشـيـه
نرعى من القرعـا لياجـو ساقـان = ومن معـرج السوبـان للعوشزيـه
ودي عليك امسيت ياذخـر وطبـان = حتـى تجيكـم يالدويـش معبـيـه
وقبر الصييفي قد جعلتـوه مزبـان = يـوم ارهقتكـم فزعتـن عامريـه
مابيـن عجمـانٍ ومابيـن سبعـان = لكـل منهـم قـد وسمكـم بكـيـه
والمعجزات العشر راحن خبر كان = مامنهـن اللـي باقيـن لـه بقيـه
مفعولهـن عنـد المهمـات مابـان = مافككـم مـن سلبـت الدحملـيـه
بنت الامير اللي له انصار واعـوان = والزوج اميـر ومترفـه ومخبيـه
تلة من الهودج ضحى مشع الايمان = وصارت لمن جـر الغزيـه سبيـه
قامت تلفـت للجماعـه والاخـوان = لكـن ردتـكـم عليـهـا بطـيـه
وين اختفن العشر عن مطرق البان = مامنهـن اللـي فكـت العسوجيـه
يازين ذلق الحكي من بيـن خـلان = على الصحن والا علـى الشاذليـه
سوالفن هـزلات ماهمـب بسمـان = من العشر سوو قصتـن مسرحيـه
شتان بيـن الفعـل والقـول شتـان = محملكم الشعب السعـودي زريـه
ليا صـار لخبارالمناويـخ ميـزان = صفحت طرفكـم بالهزايـم غنيـه
اما الوفا بالعهد في ماضي الازمـان = لكـم طريقـه بالـوفـا شقلبـيـه
توفون وتغدرون في بعض الاحيان = اخباركـم مابيـن حسنـه وسـيـه
مثل العهود السابقـه مـع صنيتـان = لا هيـب سـريـه ولا منجـويـه
قلتـو للميـدان ينـزل حمـيـدان = والخيـل قـرح والريـادي مديـه
ويوم اختلط عج الرمك وادهم الزان = ضاقت على المطران نجد الفضيـه
وقمتو تديرون الروابـع بالاذهـان = وكلن شعم نـاره بجنـب جعريـه
وغادرتو الميدان مـن قبـل الاذان = بالليـل ذلــه بيـنـه لا خفـيـه
وحدرتو القرنـه ضعايـن وسلفـان = حتيكـم كـنـه حـتـي بـرديـه
والاتفاق اللي سبـق صـار مجـان = طـرق النذالـه عندكـم منهجيـه
حلفن حصل في جوعرجا وجمـران = في المعركه خان الوديـع ودعيـه
وشاعركم اللي يدعي شلع الاسنـان = وهذي من الهفـوات عنـده وزيـه
وهذا دليل انه من الغيـض مليـان = ولا له على فتـل الحجـج مقدريـه
عنده محدش مير ماصـاب نيشـان = عـن الهـدف رصاصتـه جانبيـه
وكل الكـلام اللـي يقولـه هذيـان = لانـه يعانـي علـتـن داخلـيـه
والحاصل انه دب في صورة انسان = تلعبـه اوهـام الامـل والحضيـه
ودو هديفتكـم مصحـات عرفـان = يشخصـه بإشاعـتـن مقطعـيـه
امـا يصيـر انسـان والا حيـوان = عقب تشخصـه اجهـزه مخبريـه
قدح شرارتهـا بضرمـه وصـوان = اللي يحـط السـم فـي الزمزميـه
ويصبها لرجـال ماهمـب بذهـان = وده يسـوي فـي البلـد طايفـيـه
كتاب الغلط واللي سعى فيه غلطان = يحيي عناصـر ميـت العنصريـه
كتاب السناح اللي من الصدق عريان = ولالـه بكـل المجتـمـع قابلـيـه
ومساعده في طبع الاوراق شيخـان = التكلفـه مـن كيـس راع القريـه
اصبح لغلطة صاحبه مثل زومـان = يشيلـهـا قنـطـار والا وقـيــه
ونعم في قبيلة عتيبة حتى تقوم الساعة ( ذباحة الحايل لطامة العايل) افعالهم اكتسبوها في سواعدهم ليس على صفحات النت عكس بعض القبايل الذين يزورون الحقايق ويضعون مجد وهمي